Zamiest mižnarodnych biestsieleraŭ u Rasii rychtujucca pradavać ich pierakazy
U takim farmacie vyjduć miemuary prynca Hary.
Rasijskija vydaŭcy buduć vypuskać pierakazy mižnarodnych biestsieleraŭ, u tym liku ŭ takim farmacie vyjduć miemuary prynca Hary — «Spare» («Zapasny»). Pra heta paviedamlaje «Kommiersant».
Jak raspaviali ŭ hrupie «Eksmo-AST», vydaviectva vypuścić «Spare» ŭ lutym u vyhladzie samary — pierakazu asnoŭnych tezisaŭ. 16 lutaha kniha budzie dastupnaja ŭ aŭdyja— i elektronnym farmatach, a ŭ kancy miesiaca — u drukavanym vyhladzie. U takim ža vyhladzie 15 lutaha «Spare» vyjdzie ŭ vydaviectvie Smart Reading.
Jak raspavioŭ vydańniu hiendyrektar «Eksmo» Jaŭhien Kapjoŭ, u samary buduć klučavyja idei knihi biez pramoha cytavańnia tvora.
«Aŭtar samary pračytała knihu na anhlijskaj i pierakazała svajoj movaj», — rastłumačyŭ jon.
U «Eksmo-AST» nazyvajuć samary alternatyvaj prymusovaj licenzii. Na dumku vydaviectva, vypusk tvoraŭ u takim vyhladzie zmoža «zabiaśpiečyć dastupnaść» papularnych non-fikšn knih dla rasijan i biełarusaŭ. U takim ža vyhladzie «Eksmo-AST» płanuje vydać knihu «Nie nyj» Džen Sinsiera, pravy na jakuju skončylisia ŭ minułym hodzie.
Raniej praz pačatak vajny va Ukrainie vydaviectva Penguin Random House, jakoje vałodaje pravami na miemuary prynca Hary, spyniła pracu z rasijskim rynkam.
Kamientary
Syn Sołov́jeva priedpočieł byť modielju v Łondonie, čiem vojevať na frontie. No i čto zdieś skravať ... u syniški hołubaja krov́ i nie tolko krov́ ... posmotritie jeho fota iz Łondana ... https://mobile.twitter.com/nexta_tv/status/1625091664347041792
52 toma brieda V.I. Lenina, matieriałov 26 sjezdov KPSS i pročich stołpov vłasti śvieliś by k obnomu słovu: "!BRIED" i triebovali by na mnoho mieńšie bumahi...
Chotia mnohich lišili by vozmožnosti, sdav makułaturu, kupiť na tałony knihu Driuona ili jeŝie koho...