Ministr abarony Vialikabrytanii: Rasija pryciahnuła 97% svajoj armii da vajny suprać Ukrainy
«Ciapier my aceńvajem, što 97% rasijskaj armii, usia rasijskaja armija znachodzicca va Ukrainie», — skazaŭ jon. Pavodle słoŭ ministra, łakalnyja pośpiechi abychodziacca rasijskaj armii «vialikaj canoj». Takuju acenku daŭ ministr abarony Vialikabrytanii Ben Uoles u efiry BBC Radio 4.
Uoles padkreśliŭ, što toje, jak vajuje armija RF, sprabujučy prasoŭvacca napierad, jana robić za košt čałaviečych strat, «uzrovień źniasileńnia amal jak u Pieršuju suśvietnuju vajnu, a pakazčyki pośpiechu vymiarajucca mietrami, a nie kiłamietrami».
Ministr abarony Brytanii ličyć, što ŭ rasijskich lidaraŭ albo «prabieł u [razumieńni] realnaści» albo jany «nie pavažajuć žyćcio svaich ludziej».
Pa jaho słovach, stan, u jakim znachodzicca ciapier rasijskaja armija, maje niepasredny ŭpłyŭ na biaśpieku Jeŭropy.
«Kali 97% rasijskaj armii ciapier uciahnuta ŭ vajnu suprać Ukrainy ź vielmi-vielmi vysokim uzroŭniem «vybyćcia», i patencyjna jaje bajazdolnaść źnižana na 40%, i amal dźvie traciny ich tankaŭ źniščana abo złamana, to heta prama ŭpłyvaje na biaśpieku Jeŭropy», — adznačyŭ jon.
Kamientary