Na niekatorych minskich vulicach zabaranili parkoŭku hruzavikoŭ. Dzie mienavita?
U DAI Minska papiaredzili, što na niekatorych staličnych vulicach zabaronienaja parkoŭka hruzavoha transpartu — u pryvatnaści, ustanoŭleny darožnyja znaki 3.27 «Prypynak zabaronieny» i tablički 7.4.1 «Vid transpartnaha srodku», «2,5 t», jakija zabaraniajuć prypynak i stajanku hruzavoha transpartu masaj zvyš 2,5 tony, piša Onliner.by.
Takija techničnyja srodki darožnaha ruchu ŭžo dziejničajuć:
— na ŭčastku vulicy Janki Łučyny ad vulicy Prušynskich da vulicy Viktara Turava,
— na ŭčastku vulicy Prušynskich ad vulicy Janki Łučyny da vulicy Uładzisłava Syrakomli,
— na Ihumienskim trakcie ad vulicy Majakoŭskaha da MKAD,
— na vulicach Michaiła Ptašuka i Paŭła Špileŭskaha.
Štodnia ŭ nazvanych miescach inśpiektary staličnaj DAI z dapamohaj techničnych srodkaŭ buduć kantralavać vykanańnie praviłaŭ darožnaha ruchu, u tym liku spynieńnie i stajanku hruzavych transpartnych srodkaŭ masaj zvyš 2,5 tony, — papiaredzili ŭ Dziaržaŭtainśpiekcyi.
Tam adznačyli, što hetaja miera pavinna pavysić biaśpieku darožnaha ruchu, a taksama ŭparadkavać parkoŭki hruzavoha transpartu ŭ horadzie.
Kamientary
siehodnia, v cientrie horoda, v čas pik zamiečien był "obyčnyj" bronik
p....