Nacyjanalny centr kibierbiaśpieki pry AAC pavinien zapracavać nie paźniej, čym praz paŭhoda. Heta prapisana va ŭkazie Łukašenki «Ab kibierbiaśpiecy».
Centry kibierbiaśpieki źjaviacca taksama pry inšych dziaržaŭnych orhanach i arhanizacyjach. Ich pieralik vyznačać na praciahu hoda.
Zadačy — papiaredzić i minimizavać nastupstvy kibieratak.
Kaardynavać usio budzie Apieratyŭna-analityčny centr pry Łukašenku. Jon budzie aceńvać abstanoŭku, uzajemadziejničać ź mižnarodnymi arhanizacyjami pa pytańniach reahavańnia na kibierincydenty (naprykład, u ramkach forumu FIRST), zakazvać prahramy i prajekty, daśledavańni ŭ halinie biaśpieki.
Taksama jon budzie vynosić abaviazkovyja dla vykanańnia pradpisańni dla dziaržorhanaŭ i apierataraŭ elekrasuviazi.
Stvorać taksama nacyjanalnuju kamandu reahavańnia na kibierincydenty — CERT.BY.
Funkcyi centraŭ kibierbiaśpieki pry dziaržarhanizacyjach mohuć uskładacca na padnačalenyja im jurasoby i strukturnyja padraździaleńni. Hetyja centry budzie atestoŭvać AAC.
Funkcyi aŭtaryzavanaha apieratara elektrasuviazi — na «Biełaruskich vobłačnych technałohijach».
Va ŭkazie skazana, što kiraŭniki dziaržorhanaŭ i arhanizacyj niasuć piersanalnuju adkaznaść za kibierbiaśpieku.
Meta ŭsiaho hetaha — «pavysić uzrovień abarony nacyjanalnaj infarmacyjnaj struktury ad źniešnich i ŭnutranych pahroz».
Va ŭkazie pryviedzieny pieralik krytyčna važnych abjektaŭ infarmatyzacyi. U jaho ŭvajšli:
- «Biełdziaržstrach»
- «Brestenierha»
- «Viciebskenierha»
- «Hrodnaenierha»
- «Pramtransinviest»
- «Minskenierha»
- «Mahiloŭenierha»
- «Biełaruskija vobłačnyja techhałohii»
- Bankaŭski pracesinhavy centr
- Biełahraprambank
- Biełaruski mižbankaŭski raźlikovy centr
- «Hazpram transhaz Biełaruś»
- «Homieltransnafta Družba»
- «Hrodna Azot»
- Mazyrski naftapierapracoŭčy zavod
- «Naftan»
- niebankaŭskaja kredytna-finansavaja arhanizacyja «Adzinaja raźlikovaja i infarmacyjnaja prastora»
- Biełarusbank
- Śvietłahorski celułozna-kardonny kambinat
- Biełaruskaja atamnaja elektrastancyja
- Infarmacyjna-vylikovy centr Ministerstva finansaŭ
- Nacyjanalny centr abmienu trafikam
- Nacyjanalny centr elektronnych pasłuh
- «Biełtelekam»
- Biełhazprambank
- «Mabilnyja TeleSistemy»
- «A1»
Kamientary