Adzinarosy z Novasibirska adpravili rasijskim vajskoŭcam va Ukrainu kuvałdy
Čalcy rehijanalnaha adździaleńnia partyi «Adzinaja Rasija» z Novasibirska zrabili spravazdaču ab adpraŭcy humanitarnaj dapamohi rasijskim vajskoŭcam u zonu bajavych dziejańniaŭ va Ukrainie, paviedamlaje vydańnie 7ch7.
Pa słovach sakratara miascovaha adździaleńnia partyi Žanny Jakaŭlevaj, vajskoŭcam pieradali pradukty charčavańnia, ciopłyja rečy, «asabliva kaštoŭnyja ciapier» razbornyja piečki-buržujki i kuvałdy. Dla čaho vajskoŭcam mohuć spatrebicca kuvałdy na pieradavoj, u partyi nie ŭdakładnili.
Uvosień 2022 hoda ŭ telehram-kanałach, źviazanych z PVK «Vahnier», raspaŭsiudziłasia videa pakarańnia śmierciu kuvałdaj Jaŭhiena Nužyna, byłoha źniavolenaha, zavierbavanaha ŭ hrupoŭku. Paśla hetaha kuvałda stała adnym ź simvałaŭ PVK «Vahniera». Najmity, u pryvatnaści, vykarystoŭvajuć hety instrumient dla katavańniaŭ i pazasudovych pakarańniaŭ śmierciu, a Jaŭhien Pryhožyn nieŭzabavie paśla publikacyi videa zabojstva Nužyna adpraviŭ kuvałdu sa śladami kryvi ŭ Jeŭraparłamient.
Kamientary