«Barsiełonu» vinavaciać u bujnym chabary i mohuć navat vykinuć z Ła Lihi
Słavuty katałonski futbolny kłub «Barsiełona» patrapiŭ u bujny karupcyjny skandał: vydańni Cadena SER i AS paviedamili, što kłub u 2016-2018 hadach vypłačvaŭ hrošy firmie tahačasnaha vice-prezidenta Techničnaha kamiteta arbitraŭ Fiederacyi futboła Ispanii Chase Maryi Enrykiesu Niehrejra. Z hetaj nahody ŭžo idzie sudovaje rasśledavańnie, paviedamlaje «Trybuna».
Cadena SER i AS paviedamili, što Niehrejra atrymlivaŭ srodki ad «Barsiełony» na praciahu sama mieniej troch hadoŭ na rachunki kampanii DASNIL 95 SL. Usiaho jon atrymaŭ za 2016-2018 hady 1 392 680 jeŭra.
Sumnievaŭ, što hrošy pavinien byŭ atrymać mienavita Niehrejra, niama: jon adziny ŭładalnik kampanii.
U invojsach pryčynaj płaciažu byli paznačanyja «techničnyja kansultacyi». U spravazdačy padatkovaha ahienctva, jakoje i pačało rasśledavańnie, napisana: «Barsiełona» chacieła pierakanacca, što ŭ dačynieńni da ich nie buduć pryniatyja nijakija supiarečlivyja rašeńni arbitraŭ».
Krynicy, blizkija da tahačasnaha kiraŭnictva kłuba (jaho ŭznačalvaŭ Žazep Bartamieŭ), pryznajuć kamiercyjnyja adnosiny, i što «praca» pamiž strukturami sapraŭdy viałasia.
Ale havorka idzie nie pra podkup sudździaŭ — Niehrejra nibyta davaŭ hulcam kansultacyi pa pavodzinach na poli i pra toje, jak možna ci nielha siabie pavodzić z tymi ci inšymi refiery.
«Barsiełona» užo vypuściła zajavu pra publičnyja abvinavačvańni, jakaja składajecca ź piaci punktaŭ:
«1. U minułym «Barsiełona» kuplała pasłuhi źniešniaha kansultanta, jaki davaŭ techničnamu sakrataryjatu kłuba spravazdačy ŭ videafarmacie maładych hulcoŭ ź inšych kłubaŭ u Ispanii.
2. Dadatkova adnosiny z pastaŭščykom pasłuh pašyralisia da techničnych spravazdač, jakija tyčacca prafiesijnaha sudziejstva, kab dapoŭnić infarmacyju, zapytanuju trenierskimi štabami pieršaj i druhoj kamand. Heta zvyčajnaja praktyka siarod prafiesijnych futbolnych kłubaŭ.
3. Takija pasłuhi ciapier źjaŭlajucca častkaj abaviazkaŭ śpiecyjalista, jaki pracuje ŭ departamiencie futboła.
4. «Barsiełona» škaduje, što hetaja infarmacyja była vypuščanaja mienavita ŭ momant, kali kamanda nabrała najlepšuju formu ŭ siezonie.
5. «Barsiełona» prymie jurydyčnyja miery ŭ dačynieńni da tych, chto sprabuje razburyć imidž kłuba z mahčymymi insinuacyjami suprać stanoŭčaj reputacyi kłuba, što moža adbycca z-za apublikavańnia takoj infarmacyi».
Techničny kamitet arbitraŭ na hety momant admiežavaŭsia ad Niehrejra i zajaviŭ, što budzie sadziejničać rasśledavańniu.
Pakul insajdaŭ adnosna taho, jakoje spartyŭnaje pakarańnie mohuć dać kamandzie niama. U dyscyplinarnym rehłamiencie Fiederacyi futboła Ispanii, adnak,
jość pieralik usich mahčymych nastupstvaŭ dla «Barsy», kali jaje pryznajuć vinavataj: ad publičnaha asudžeńnia da panižeńnia ŭ kłasie.
Kamientary