Siońnia a 19‑j vydaviec BDH, siabra Kansultacyjnaj Rady pry Administracyi prezidenta Piotr Marcaŭ na sajcie INTV.BY vychodzić u žyvy efir ź pieršaj biełaruskaj prahramaj interniet‑telebačańnia.
Napiaredadni Piotr Marcaŭ raspavioŭ:
»Heta štotydniovaja pieradača pryblizna 30 chvilinaŭ. Budzie vychodzić ŭviečary ŭ piatnicy.
Heta budzie razmova na aktualnyja temy tydnia z hościem. Hość, jak praviła, heta viadomy čałaviek u niejkaj śfiery. Praŭdapadobna, my budziem pačynać ź biźnies‑aŭdytoryi, pakolki jana najbolš maje dostup da šyrokapałosnaha internetu. Pieradača budzie ŭ žyvym efiry. Heta toje, što tut nichto pakul nie rabiŭ, prynamsi ŭ interniecie.
Heta, napeŭna, pieršaja telepieradača ŭ interniecie ŭ žyvym efiry i, napeŭna, pieršaja pieradača z aryhinalnym kantentam. Pakul pakazvajucca tolki pieradačy, jakija iduć na inšych sajtach, na inšych telekanałach. Druhaja admietnaść — žyvy efir, treciaja asablivaść — heta miesca, ź jakoha budzie naŭprostavaja tranślacyja. Heta mienskaja kaviarnia «News‑Cafe». Ja nikoli nie rabiŭ telepieradačaŭ, pahladzim, što atrymajecca…»
Tyja, chto majuć šyrokapałosnaje padklučeńnie da internietu, zmohuć nazirać za hutarkaj u žyvym efiry na sajcie itv.by. Pavodle Ministerstva suviazi, na siońniašni dzień takuju mahčymaść majuć kala 500 tysiač karystalnikaŭ u Biełarusi.
Pieršym hościem Piatra Marcava budzie ŭładalnik kampanii «Sierž» Siarhiej Atroščanka — vydaviec štotydniovika «Obozrievatiel».
