Muziej historyi Bresta pakaža skulpturu vajavody, jaki abaraniŭ horad ad nabiehu ŭ 1282 hodzie
U muziei historyi Bresta pradstaviać skulpturu vajavody Cita, jaki abaraniŭ žycharoŭ horada ad nabiehu ŭ Siarednija viaki. Pra heta raspaviała dyrektarka muzieja Śviatłana Tamčuk, piša BiełTA.
U muziei 1 sakavika arhanizujuć mierapryjemstva, jakoje atrymała nazvu «Podźvih vajavody». «Upieršyniu budzie pradstaŭlenaja skulptura «Bieraściejski vajavoda Cit. 1282 hod», vykananaja talenavitymi bresckimi skulptarami Alesiaj Hurščankavaj i Paŭłam Hierasimienkam u 2022 hodzie. Vajavoda Cit — sapraŭdnaja histaryčnaja asoba, jakaja niepasredna źviazanaja z historyjaj Bresta XIII stahodździa», — napisaŭ u svaim telehram-kanale staršynia Bresckaha harvykankama Alaksandr Rahačuk.
Pra podźvih vajavody Cita viadoma z Poŭnaha zboru ruskich letapisaŭ. Tam havorycca, što ŭ 1282 hodzie na horad nad Buham napali mazaŭšanie. Vorahi razrabavali jaho i zabrali ŭ pałon žycharoŭ. Vajavoda zmoh sabrać ludziej, kab akazać niepryjacielu supraciŭleńnie. «Letapisiec piša, što mazaŭšan było 200, našych — 70 čałaviek. Hieraična vajavoda viarnuŭsia, adbiŭšy pałonnych i viarnuŭšy narabavanaje, — raskazała Śviatłana Tamčuk. — Naohuł, pra naš horad u letapisach nie tak užo šmat zhadak, kala 30. Usie jany adryvistyja, łakaničnyja. Letapisnyja danyja — kaštoŭnaja infarmacyja, jakaja raskazvaje nam pra Brest».
Ubačyć skulpturu advažnaha vojenačalnika naviedvalniki muzieja zmohuć z 2 sakavika. Darečy, podźvih vajavody Cita ŭviekaviečany ŭ radkach na adnoj ź plit na pomnika Tysiačahodździa Bresta.
Muziej historyi Bresta ciapier raźmiaščajecca ŭ byłym asabniaku, pabudavanym u pieršaj treci XX stahodździa. U jaho kalekcyjach naličvajecca amal 5 tysiač pradmietaŭ z XVII stahodździa da sučasnaści. U minułym hodzie ŭ fondy pastupiła kala 200 ekspanataŭ.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie8
Kamientary