Prysud pa spravie «Busły laciać» pakinuli bieź źmienaŭ

Pry kancy vieraśnia Minski haradski sud pryznačyŭ vialikija turemnyja terminy jaje šaści fihurantam: Alaksieju Ivanisavu — 14 hadoŭ kałonii i štraf u 500 bazavych, Alaksieju Hamiezu — 14,5 hoda kałonii i štraf u 500 bazavych, Mikałaju Biblisu — 8,5 hoda kałonii i štraf u 300 bazavych, Andreju Budaju — 15 hadoŭ kałonii i štraf u 500 bazavych, Alaksandru Muraŭjovu — 12 hadoŭ kałonii, Alaksandru Sidarenku — 8 hadoŭ kałonii.

Spravu ŭ zakrytym režymie razhladali amal čatyry miesiacy. Sudovaja kalehija pad staršynstvam sudździ Paŭła Karšunoviča pakinuła apielacyjnyja skarhi biez zadavalnieńnia, a prysud — u sile. Chutka palitviaźniaŭ etapujuć u kałonii.

Prysud abskardžany ŭ apielacyjnym paradku abvinavačanymi i ich abaroncami. Razam z tym sudovaj kalehijaj pa kryminalnych spravach Viarchoŭnaha suda 28 lutaha 2023 hoda ŭ adpaviednaści ź mierkavańniem prakurora, jaki ŭdzielničaje ŭ pasiadžeńni suda apielacyjnaj instancyi, dovady skarhaŭ pryznanyja nieabhruntavanymi i pakinutyja biez zadavalnieńnia», — adznačyŭ prakuror Alaksandr Dziamidaŭ.

Za što asudzili palitviaźniaŭ?

U zaležnaści ad roli kožnaha im u roznym spałučeńni inkryminavanyja: č. 1 art. 342 (udzieł u dziejańniach, jakija hruba parušajuć hramadski paradak), č. 2 art. 290-4 (udzieł u terarystyčnaj arhanizacyi), č. 1 art. 359 (akt teraryzmu ŭ dačynieńni da dziaržaŭnaha dziejača); č. 1 art. 218 (naŭmysnaje paškodžańnie čužoj majomaści), č. 3 art. 130 (raspalvańnie sacyjalnaj varožaści), č. 3 art. 361 (zakliki da sankcyj) Kryminalnaha kodeksa. Spravu ŭ zakrytym režymie razhladali amal čatyry miesiacy. Dziaržaŭnaje abvinavačvańnie pa spravie padtrymlivała prakurorka Julija Łanieŭskaja, a prysud vyniesła sudździa Anastasija Papko.

Zhodna ź viersijaj abvinavačvańnia, 4 sakavika 2021 hoda ŭdzielniki hrupy paškodzili aŭtamabil, jaki naležyć sudździ Barysaŭskaha rajona: ablili farbaj kuzaŭ transpartnaha srodku, prabili čatyry koły; u pieryjad z 14 pa 15 sakavika 2021 hoda adzin z abvinavačanych paškodziŭ čatyry šyny aŭtamabila, jaki naležyć hramadskamu aktyvistu — karespandentu respublikanskaha ŚMI; 8 krasavika 2021 hoda fihuranty kinuli kamień u akno kvatery, dzie pražyvaje supracoŭnik prakuratury horada Minska z małaletnim dziciem; 22 traŭnia 2021 hoda anałahičnyja złačynnyja dziejańni ździejśnienyja ŭ dačynieńni da hramadskaj aktyvistki, jakaja padtrymlivaje dziejučuju ŭładu; u pieryjad z 2 pa 15 červienia 2021 hoda abvinavačanyja paškodzili i źniščyli sistemu videanazirańnia, ustalavanuju ŭ Frunzienskim rajonie stalicy.

«U svajoj złačynnaj dziejnaści abvinavačanyja vykarystoŭvali mnostva srodkaŭ kanśpiracyi, u tym liku maski i adzieńnie ciomnych koleraŭ biez admietnych prykmiet, nie vykarystoŭvali mabilnyja telefony, chavali svaje transpartnyja srodki, budučy ŭpeŭnienymi ŭ svajoj ananimnaści i biespakaranaści.

Pry rasśledavańni vyvučanyja asoby ŭsich šaści abvinavačanych — mužčyny pracavali ŭ roznych śfierach ekanomiki, zajmajučy ŭ tym liku kirujučyja pasady, nie sudzimyja, amal u kožnaha majucca małaletnija dzieci. Abvinavačanyja paznajomilisia pamiž saboj na tak zvanych «dvarovych čajavańniach», paśla čaho razmaŭlali ŭ asobnym zakrytym Telegram-čacie», — paviedamlali ŭ Śledčym kamitecie.

Zatrymali fihurantaŭ spravy pry kancy vieraśnia — na pačatku kastryčnika 2021 hoda. Praź miesiac — 30 listapada 2021 hoda — Viarchoŭny sud pryznaŭ abjadnańnie «Supraciŭ», u jakoje ŭvachodziać hrupoŭki «Kibier-partyzany», «Družina narodnoj samooborony — DNS» i «Busły laciać», terarystyčnym.

Pierad sudom, 13 traŭnia 2022 hoda, stała viadoma, što Alaksieja Ivanisava, Alaksieja Hamiezu, Andreja Budaja i Alaksandra Muraŭjova ŭnieśli ŭ «terarystyčny śpis» KDB. Padstavaj dla ŭklučeńnia ich u śpis pasłužyła pradjaŭlenaje im abvinavačańnie pa artykule 359 Kryminalnaha kodeksa Biełarusi (akt teraryzmu ŭ dačynieńni da dziaržaŭnaha abo hramadskaha dziejača).

• 0
• 0
• 0
• 1
• 0
• 0
• 3
• 0