Dvoje biełarusaŭ zahinuli ŭ vyniku bujnoj avaryi, jakaja adbyłasia niedaloka ad Bielska-Padlaskaha pad Kadłubaŭkaj. Aŭtobus sutyknuŭsia ź lehkavym aŭtamabilem łob u łob: viadoma pra troch zahinułych. Pra incydent paviedamlaje vajavodskaje pažarnaje ŭpraŭleńnie ŭ Varšavie, piša «Most».
Avaryja adbyłasia ranicaj 27 lutaha. Aŭtobus i lehkavy aŭtamabil Citroen sutyknulisia łob u łob, paśla čaho lehkavik pierakuliŭsia ŭ kiuviet. U Citroen znachodzilisia piaciora pasažyraŭ: dvoje zahinuli na miescy, a traich ź ciažkimi traŭmami špitalizavali. U aŭtobusie znachodziŭsia kiroŭca i adzin pasažyr, ale jany nie paciarpieli ŭ DTZ.
Na miescy avaryi zahinuli dvoje čałaviek: adzin ź ich — 55-hadovy žychar Padlašskaha vajavodstva, jaki znachodziŭsia za rulom, inšy — 28-hadovy biełarus. 28 lutaha ŭ špitali pamior 28-hadovy hramadzianin Biełarusi. Viadoma, što ŭ balnicy znachodziacca jašče dvoje mužčyn.
U apieracyi ŭdzielničaŭ viertalot chutkaj dapamohi, pažarnyja i palicejskija. Daroha, na jakoj adbyłasia avaryja, była zabłakavanaja bolš za siem hadzin.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie8
Kamientary