Miždziaržaŭnaja kamisija rasśleduje pryčyny krušeńnia viertalota Pahraničnaj varty Polščy, jakoje adbyłosia na terytoryi Biełarusi viečaram 31 kastryčnika.
Jak paviedamiŭ namieśnik Bresckaha transpartnaha prakurora Viktar Strok, u składzie kamisii — pradstaŭniki adpaviednych słužb ź biełaruskaha i polskaha boku. Členy dadzienaj kamisii z polskaha boku pryjechali ŭ Biełaruś viečaram 1 listapada.
Ranicaj 2 listapada miždziaržaŭnaja kamisija pačała pracu na miescy zdareńnia. Siońnia budzie vyrašacca pytańnie ab raspačynańni kryminalnaj spravy pa fakcie krušeńnia viertalota.
Jak dadaŭ Strok, cieły zahinułych piłotaŭ viertalota pozna viečaram 1 listapada śpiecyjalnym aŭtatranspartam byli dastaŭlenyja ŭ adnu ź miedycynskich ustanoŭ Bresta.
2 listapada budzie praviedziena sudova‑miedycynskaja ekśpiertyza ciełaŭ z udziełam polskich miedykaŭ.
Zaraz vyrašajucca arhanizacyjnyja pytańni pa pieradačy polskamu boku ciełaŭ zahinułych piłotaŭ viertalota.
Jak raniej paviedamlałasia, viečaram 31 kastryčnika na biełaruska‑polskaj miažy paciarpieŭ katastrofu viertalot Pahraničnaj varty Polščy. Try čałavieki, jakija znachodzilisia na borcie pavietranaha sudna, zahinuli.
Viertalot ździajśniaŭ płanavy ablot miažy. U 20.11 biełaruskamu boku pastupiła infarmacyja ad polskich pahraničnikaŭ ab tym, što suviaź z sudnam źnikła. Pošukavyja pracy na miažy vialisia bolš za šeść hadzin. Abłomki viertalota znojdzieny 1 listapada ŭ 4.48 na biełaruskaj terytoryi za 200 mietraŭ ad linii miažy pablizu nasielenaha punkta Vysokaje (Kamianiecki rajon Bresckaj vobłaści).
Kamientary