Ministr zamiežnych spraŭ Łatvii Marys Ryjekstyńš 3 listapada naviedaje z pracoŭnym vizitam Biełaruś.
Jak paviedamlaje pres‑słužba Ministerstva zamiežnych spraŭ Łatvii, heta pieršy vizit kiraŭnika zamiežnapalityčnaha viedamstva ŭ Biełaruś.
Prahrama vizitu praduhledžvaje sustrečy Ryjekstyńša z prezidentam Alaksandram Łukašenkam, premjer‑ministram Siarhiejem Sidorskim i ministram zamiežnych spraŭ Siarhiejem Martynavym. Padčas pieramoŭ buduć abmiarkoŭvacca pytańni dvuchbakovaha supracoŭnictva, raźvićcia ekanamičnaj kaapieracyi, a taksama raźvićcio adnosin Biełarusi i Jeŭrasajuza.
Akramia taho, Ryjekstyńš płanuje sustrecca z pradstaŭnikami niaŭradavaj arhanizacyi «Biełaruski Chielsinkski kamitet» i vystupić u Biełaruskim dziaržaŭnym univiersitecie ź lekcyjaj na temu «Uschodniaje partniorstva jak važny instrumient raźvićcia adnosin pamiž Jeŭrapiejskim sajuzam i Biełaruśsiu».
Jak nahadvaje pres‑słužba MZS Łatvii, u krasaviku 2009 hoda adbyŭsia vizit u Łatviju kiraŭnika źniešniepalityčnaha viedamstva Biełarusi Siarhieja Martynava.
Kamientary