Vajna

Stała viadoma pra tajemnyja pieramovy pamiž rasijanami i ŭkraincami, jakija spynili šturm «Azoŭstali»

Pavodle CNN, spynić abłohu «Azoŭstali» ŭ Maryupali rasijskimi vojskami viasnoj 2022 hoda ŭdałosia ŭ vyniku pieramoŭ pamiž ukrainskim i rasijskim bakami, piša «UP».

Pieramovy kala adnaho z uvachodaŭ u «Azoŭstal». Fota: Alaksandr Kavaloŭ

Pieramovy pačalisia 25 maja 2022 hoda. Z ukrainskaha boku ich vioŭ narodny deputat, člen deputackaj hrupy «Davier» Alaksandr Kavaloŭ, u jakoha jość kantakty ŭ FSB. Pa słovach deputata, kiravała apieracyjaj Hałoŭnaje ŭpraŭleńnie raźviedki i asabista jaho kiraŭnik Kirył Budanaŭ.

Ad Rasii pierahavorami kiravała dvoje hienierałaŭ-raźviedčykaŭ — hienierał-lejtenant Uładzimir Alaksiejeŭ i hienierał-major Alaksandr Zoryn. Abodva naradzilisia va Ukrainie.

25 krasavika Kavaloŭ ździejśniŭ pieršuju pajezdku ŭ Maryupal. Tam u jaho była razmova z byłym ahientam SBU Valancinam Kryžanoŭskim, jaki ŭ 2014 hodzie zdradziŭ Ukrainie i pierakinuŭsia ŭ FSB, i hienierał-lejtenantam armii RF Andrejem Syčovym, jaki kiravaŭ šturmam Maryupala. Dokaz hetaj razmovy — fota ŭnizie.

Źleva naprava: Kavaloŭ, Syčoŭ, Kryžanoŭski. Maryupal, 27 krasavika 2022

Jak śćviardžaje nardep, jon dapamoh pierakanać «inšy bok, što vyratavańnie, u pieršuju čarhu dziaciej, žančyn i paranienych, budzie aktam zdarovaha rozumu, aktam humanizmu».

CNN nahadała, što ŭ pačatku maja AAN i Čyrvony Kryž evakuiravali sotni hramadzianskich asob z «Azoŭstali» i inšych rajonaŭ Maryupala. 7 maja vice-premjer-ministr Iryna Vieraščuk zajaviła, što «ŭsie žančyny, dzieci i staryja» byli biaśpiečna vyviezieny ź mietałurhičnaha kambinata. Ale vajskoŭcy na zavodzie zastalisia, i rasijskija abstreły pačalisia znoŭ.

9 maja Kavaloŭ viarnuŭsia ŭ Maryupal na druhi raŭnd pierahavoraŭ, ale hetym razam nie adzin, da jaho dałučyŭsia pieršy namieśnik Budanava Dźmitryj Usaŭ. Ciapier jany razmaŭlali ŭžo niepasredna z hałoŭnymi pieramoŭščykami ad RF Alaksiejevym i Zorynym.

Pa słovach Kavalova, Alaksiejeŭ uvieś čas rabiŭ pierapynki ŭ pieramovach, kab patelefanavać u Maskvu. U jaho była pramaja sotavaja suviaź ź Ministerstvam abarony RF.

Na 16 maja byŭ arhanizavany treci vizit u Maryupal, padčas jakoha adbyłasia sustreča rasijskich hienierałaŭ z ukrainskimi aficerami. Adzin ź ich — kiraŭnik bataljona «Azoŭ» padpałkoŭnik Dzianis Prakapienka.

«Heta byŭ momant iściny. Kali my zrabili ŭsio, kab dva baki syšlisia, pahladzieli adzin adnamu ŭ vočy, rasijski bok paabiacaŭ, što budzie cyvilizavanaje vyjście dla našych sałdat», — raspavioŭ Kavaloŭ.

Nardep paviedamiŭ, što ŭmovy rasijan byli prostyja: ukrainskija vajskoŭcy spyniajuć bajavyja dziejańni, zdajuć zavod i zdajucca ŭ pałon. Zatym — cyvilizavanyja ŭmovy ŭtrymańnia ŭkrainskich vajennapałonnych i abmien.

Pa słovach Kavalova, damoŭlenaść ab biaśpiečnym vychadzie ŭkrainskich bajcoŭ była vykanana dakładna. Paźniej u toj ža dzień najbolš ciažka paranienych vynieśli z zavoda na nasiłkach.

16 maja ŭviečary Minabarony Ukrainy abviaściła ab pačatku evakuacyi ŭkrainskich vajskoŭcaŭ z «Azoŭstali». Na nastupny dzień, 17 maja, biaskoncy patok ukrainskich sałdat pačaŭ svoj vychad u pałon. Mnohija na mylicach abo nasiłkach, niekatoryja surjozna pakalečanyja.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem1

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem

Usie naviny →
Usie naviny

Pucin hatovy da paharšeńnia adnosin z Trampam i nie budzie spyniać vajnu11

«Kava stanie raskošaj». Biełarusy šakavanyja cenami ŭ kramach16

«Apantanaści hieapalitykaj, jak u Rasii, u nas siońnia niama». Historyk parazvažaŭ, ci pieražyvuć biełarusy «russkij mir»17

Rubia patłumačyŭ zajavu Trampa pra zbroju dla Ukrainy za košt NATA

«Horad pracoŭnaj słavy 1941—1945». U Baranavičach adkryli manumient ź dziŭnaj nazvaj9

U Biełarusi i Rasii raspracujuć štučny intelekt z tradycyjnymi kaštoŭnaściami4

Asudzili za «sadziejańnie ekstremizmu» byłoha dyrektara škoły

Vučonyja znajšli ahromnistaje radovišča zołata, jakoje źmiaščaje 99,999% usiaho zołata płaniety8

U Polščy adbyłosia DTZ z aŭtobusam, poŭnym biełarusaŭ3

bolš čytanych navin
bolš łajkanych navin

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem1

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem

Hałoŭnaje
Usie naviny →

Zaŭvaha:

 

 

 

 

Zakryć Paviedamić