U Abjadnany pierachodny kabiniet klikali pradstaŭnika Zianona Paźniaka
Kali tolki stvaraŭ Abjadnany pierachodny kabiniet, dałučycca da jaho prapanoŭvali i pradstaŭniku Zianona Paźniaka. Detali hetaj historyi Pavieł Łatuška raskazaŭ u intervju «Tok».
Łatuška raspavioŭ, što apošni raz sustrakaŭsia z Paźniakom na mitynhu ŭ Varšavie. A vialikaja razmova ŭ ich była ŭ toj čas, jak išła rabota pa stvareńni Abjadnanaha pierachodnaha kabinieta. Tady viałasia dyskusija pra mahčymaść uvachodžańnia ŭ jaho pradstaŭnika ad Paźniaka.
Na sustrečy abmiarkoŭvałasia stratehija dziejaniaŭ. Adzinaje, u čym byli razychodžańni, heta pytańnie sankcyj adnosna Biełarusi. Paźniak vystupaje suprać ich.
U astatnim palityki, pa słovach Paŭła Łatuški, majuć ahulnaść pohladaŭ. Naprykład, na toje, što isnuje pahroza źniščeńnia biełaruskaj dziaržaŭnaści, niezaležnaści. «A heta samaje hałoŭnaje, bo z hetym źviazanaja naša mova, historyja, kultura. Heta pytańnie isnavańnia biełaruskaj nacyi, jakoje ciapier pad pahrozaj. Adzinstva — u tym, što voraham źjaŭlajecca Rasijskaja Fiederacyja i što isnujučy režym u Biełarusi nieabchodna likvidavać. I inšych sposabaŭ i mietadaŭ niama, jak budavać uzbrojenyja siły, padpolny ruch u Biełarusi, padtrymlivać biełaruskich dobraachvotnikaŭ va Ukrainie», — skazaŭ Łatuška.
Ale čamu Zianon Paźniak ci aho pradstaŭnik admovilisia dałučycca da Kabinieta, Pavieł Łatuška nie adkazaŭ. Adznačyŭ tolki, što byli razmovy z Paŭłam Vusavym ab jaho ŭvachodžańni ŭ Abjadny pierachodny kabiniet.
Hladzicie całkam:
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača14
Kamientary
No ot Poźniaka vrodie ni tam ni tam nikoho nietu, i voobŝie kak-to jeho mało upominajut v poślednieje vriemia.