Pa danych śledstva, na praciahu paŭtara hadoŭ prarektar pa administracyjna-haspadarčaj rabocie adnaho sa staličnych univiersitetaŭ atrymlivaŭ chabary ad pradstaŭnikoŭ pryvatnych arhanizacyj za spryjalnaje vyrašeńnie pytańniaŭ — u pryvatnaści, pravodziŭ padstaŭnyja pracedury zakupak i pryznačaŭ svaich znajomych u jakaści vytvorcaŭ budaŭničych rabot.
54-hadovy abvinavačany atrymlivaŭ tak zvanyja adkaty — u SK vyjavili 7 epizodaŭ złačynnaj dziejnaści fihuranta, a ahulnaja suma chabaraŭ skłała bolš za 3 tysiačy rubloŭ.
Dziejańni mužčyny kvalifikavanyja pavodle č.č. 1 i 2 art. 430 KK Biełarusi (atrymańnie chabaru, ździejśnienaje paŭtorna). Jamu pahražaje da 10 hadoŭ pazbaŭleńnia voli. Mužčyna ŭziaty pad vartu, na jaho majomaść nakładzieny aryšt na sumu bolš za 37 tysiač rubloŭ.
