Razhlad spravy byłoha kandydata ŭ prezidenty pačniecca ŭ sudzie Maskoŭskaha rajona Minska 5 krasavika, paviedamlaje «Viasna».
Palityka abvinavačvajuć u arhanizacyi i padrychtoŭcy dziejańniaŭ, jakija hruba parušyli hramadski paradak, abo aktyŭnym udziele ŭ ich (č. 1 art. 342 Kryminalnaha kodeksa).
Spravu pryznačyli razhladać sudździu Kaciarynu Muraška.
Andreja Dźmitryjeva zatrymali 11 studzienia 2023 hoda. Śledčy kamitet tady paviedamiŭ, što jon nibyta ŭdzielničaŭ u paślavybarčych akcyjach pratestu, tamu staŭ padazravanym pavodle «narodnaha», 342 artykuła Kryminalnaha kodeksa. Śledčyja zajavili, što palityk «599 razoŭ pierasiakaŭ dziaržaŭnuju miažu Biełarusi, ź ich 33 — paśla 2020 hoda. Śledstva miarkuje, što najaŭnaść kantaktaŭ u Dźmitryjeva z pradstaŭnikami Zachadu i ZŠA moža śviedčyć ab kaardynacyi jaho «palityčnaj» dziejnaści z-za miažy».
Andrej Dźmitryjeŭ — suzasnavalnik i sustaršynia abjadnańnia «Havary praŭdu». Ciaham 2021 hoda ŭ abjadnańni prajšli vobšuki, paśla čaho rachunki arhanizacyi zabłakavali. 12 žniŭnia 2021 hoda Dźmitryjeva ŭžo zatrymlivali na karotki termin, ale potym adpuścili. Pierad hetym kandydat u prezidenty Biełarusi Dźmitryjeŭ zajaŭlaŭ, što na jaho adras pastupajuć šmatlikija pahrozy.
Da suda Andreja Dźmitryjeva ŭtrymlivajuć u SIZA №1 Minska.
Palityk maje traich dziaciej.
«U biełaruskaj palitycy paniaćciami «ahient KDB» ci «ahient Maskvy» mocna złoŭžyvajuć»
Dźmitryjeva abvinavacili ŭ fatahrafii z Klintan i pierasiačeńni biełaruskaj miažy
Kamientary