Biełaruś daloka abyšła Rasiju pa kolkaści prybiralniaŭ z kanalizacyjaj
Pa źviestkach SAAZ, u 2020 hodzie krychu bolš za 50% nasielnictva śvietu mahli karystacca abjadnanymi sanitarnymi vuzłami z kanalizacyjnymi sistemami, sieptykami ci kamposnymi jomistaściami. Jak pakazvaje hrafik Statista, asablivy deficyt u hetym dačynieńni adčuvaje afrykanski kantynient, piša Thinktanks.by.
Naprykład, u Efiopii tolki 9% žycharoŭ mieli dostup da adpaviednych sistem, na Madahaskary i ŭ Respublicy Čad — pa 12%. Pustelnia Sachara zvyčajna ŭjaŭlaje saboj demarkacyjnuju liniju pavodle dostupu da pryvatnych prybiralniaŭ: naprykład, u Livii i Jehipcie takimi vyhodami mahli karystacca 92 i 97% nasielnictva adpaviedna.
Ale jość i vidavočnyja adroźnieńni ŭ rehijonie na poŭdzień ad Sachary. U Batsvanie, naprykład, kala 80% žycharoŭ mieli mahčymaść karystacca pryvatnaj prybiralniaj.
Niahledziačy na aryjentacyju na afrykanskija krainy ŭ dačynieńni da niedachopu vady, mienš rezkaja, ale adnosna supastaŭnaja karcina składvajecca ŭ asobnych rajonach Jeŭropy, Centralnaj Amieryki i Paŭdniova-Uschodniaj Azii. U Małdovie, naprykład, kala čverci nasielnictva nie mieli mahčymaści karystacca pasłuhami zhadanaha vyšej typu, u Hvatemale — 22%, u Afhanistanie — 50% i ŭ Banhładeš — 46%.
Pa źviestkach Statista, u Biełarusi, jak i ŭ bolšaści raźvitych krain, pryvatnyja prybiralni z kanalizacyjaj adsutničajuć u adnosna nievialikaj kolkaści nasielnictva — ad 0 da 9%.
U hrupu z hetym pakazčykam trapili ŭsie susiedzi Biełarusi, akramia Rasii. Tam pryvatnyja prybiralni z kanalizacyjaj, zhodna sa źviestkami Statista, adsutničajuć u ad 10% da 24% nasielnictva.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary