Pa Sieule try hadziny hulała ziebra. Žyvioła źbiehła ź miascovaha zaaparka, ale jaje ŭdałosia viarnuć
Z zaaparka Sieuła źbieh samiec ziebry, jaki na praciahu troch hadzin razhulvaŭ pa vulicach paŭdniovakarejskaj stalicy, sprabujučy pažyvicca źmieścivam śmiećcievych bakaŭ, piša Bi-bi-si.
Žyvioła pa imieni Siera (pa-karejsku heta aznačaje «Viertykal») uciakła z zaaparka ŭ čaćvier viečaram. Paviedamlajecca, što ziebra prałamała draŭlanuju aharodžu valjera i adpraviłasia na špacyr.
Žychary horada zrabili mnostva videa, na jakich Siera chodzić pa vulicach, zapoŭnienych mašynami i ludźmi, i pieryjadyčna zaziraje ŭ baki sa śmiećciem.
U vyniku supracoŭniki zaaparka zmahli zahnać ziebru ŭ adnu z vuzkich vulic, a zatym strelili ŭ jaje kapsułaj sa snatvornym. Žyvioła zasnuła, jaje źmiaścili ŭ hruzavik i adpravili nazad u zaapark.
Siera maje ŭsiaho kala dvuch hadoŭ — jon naradziŭsia ŭ Sieulskim zaaparku ŭ 2021 hodzie.
Pa słovach supracoŭnikaŭ zaaparka, stan zdaroŭja žyvioły ciapier zdavalniajučy.
Na sajcie zaaparka Sieuła skazana, što ŭ im utrymlivajecca bolš za 400 žyvioł 38 roznych vidaŭ.
Ziebra ŭ ZŠA adkusiła ruku haspadaru, a potym nakinułasia na palicejskich
Ciapier čytajuć
«Była hałodnaj, uzimku akazałasia bieź ciopłych rečaŭ». Susiedki raskazvajuć pra pamierłuju eks-palitźniavolenuju Hannu Kandracienka1
Kamientary