U Biełarusi raspracavali niekalki ŭłasnych madelaŭ bieśpiłotnaha latalnaha aparata i puskavuju ŭstanoŭku da ich — katapultu, jakaja pašyraje funkcyjanał dronaŭ. Bolš padrabiazna ab raspracoŭcy raspaviali ŭ efiry telekanała «Biełaruś 1».
U arsienale ajčynnych raspracoŭščykaŭ BPŁA roznych kłasaŭ i ŭźlotnaj masaj ad 2,5 da 190 kh. Pa słovach hałoŭnaha technołaha pa bieśpiłotnych avijacyjnych kompleksach AAT «558 Avijacyjny ramontny zavod» Viktara Baradzina, pierad śpiecyjalistami pastavili zadaču pavysić mabilnaść samaha masiŭnaha bieśpiłotnika vahoj 190 kh i stvaryć katapultu.
— My nikoli nie zajmalisia takoj prablematykaj, asabliva ŭ takich maštabach. Adzinaje, adkul čerpali infarmacyju i natchnieńnie, heta fatahrafii padobnych vyrabaŭ, — adznačyŭ V. Baradzin.
Raspracavanaja katapulta aceńvajecca jak pryłada, jakaja nie sastupaje zamiežnym anałaham i ŭnikalnaja nie tolki na terytoryi Biełarusi, ale i na prastory SND pa takim paramietry, jak masa hruzu, jaki zakidvajecca. Kanstruktary spravilisia z pastaŭlenaj zadačaj mienš čym za hod, užo stvorany realny dośledny ŭzor. Pryładu zapusku źmiaścili na pryčep MAZ pavyšanaj prachodnaści, što dazvalaje vykarystoŭvać navinku na niepadrychtavanych placoŭkach abmiežavanych pamieraŭ (300 na 300 mietraŭ).
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary
a kolki jon viesić? nuŭ... hety