Žančynu sa Žłobina asudzili za ŭdzieł u pratestach u 2020 hodzie
U sudzie Žłobinskaha rajona 23 sakavika vynieśli prysud Marynie Lachnovič pavodle č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich) Kryminalnaha kodeksa. Spravu razhladaŭ sudździa Jaŭhien Jerafiejeŭ, piša «Viasna».
Žančynu asudzili za ŭdzieł u akcyi pratestu 9 žniŭnia 2020 hoda. Maryna Lachnovič — adna ź piaci zatrymanych u Žłobinie padčas milicejskaj abłavy, jakaja adbyłasia 13 śniežnia minułaha hoda. Tady byli zatrymanyja siłavikami znajomyja pamiž saboj Maryna Lachnovič, Taćciana Dziemčanka, Vadzim Kirjanaŭ, Nastaśsia Tatarynava i Kirył Kamaroŭ. Usich ich źmiaścili pad vartu.
Jak paviedamiła «Homielskaja viasna», sudździa pryznačyŭ Marynie adzin hod i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaja chimija»).
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary