Dyrektara škoły ŭ štacie Fłaryda vymusili syści z pasady paśla taho, jak adzin z baćkoŭ paskardziŭsia na toje, što šaścikłaśnikam na ŭroku pakazvali vyjavu Davida, piša Bi-bi-si.
Vučni taksama razhladali znakamityja karciny «Stvareńnie Adama» Mikiełandžeła i «Naradžeńnie Vieniery» Batyčeli, na jakich vyjaŭlenyja aholenyja cieły.
Adzin z baćkoŭ nazvaŭ hetyja pracy parnahrafijaj. Jašče dvoje zajavili, što padobny materyjał škoła pavinna była ŭzhadniać z baćkami da ŭroka.
U šostych kłasach amierykanskich škoł vučacca dzieci va ŭzroście 11-12 hadoŭ.
Statuja Davida — adzin z samych viadomych tvoraŭ mastactva Siaredniaviečča. David — biblejski piersanaž, jaki pieramoh vołata Halijafa.
Daviedaŭšysia ab hetaj situacyi, dyrektarka Halerei Akademii pryhožych mastactvaŭ Fłarencyi, dzie vystaŭlenaja statuja Davida, źviarnułasia da škoły z zaprašeńniem naviedać muziej.
Pavodle jaje słoŭ, dyrektar škoły zasłuhoŭvaje zaachvočvańnia, a nie pakarańnia.
«Vykładać epochu Reniesansu, nie pakazvajučy Davida — biassprečny simvał mastactva i kultury hetaj histaryčnaj epochi, — u hetym nie było b nijakaha sensu», — ličyć Siesil Chołbierh, jakaja ŭznačalvaje halereju.
Chołbierh raspaviała, što była ździŭlenaja, kali pačuła, što marmurovuju statuju Davida XVI stahodździa dzieści nazvali parnahrafijaj. Na jaje dumku, heta nie tolki nierazumieńnie Biblii, ale i nierazumieńnie samoj zachodniaj kultury.
«Treba padzialać haliznu i parnahrafiju. Ničoha parnahrafičnaha abo ahresiŭnaha ŭ Davidzie niama. Jon junak, pastuch, u jakoha, jak apisvajecca ŭ Biblii, nie było hodnaha adzieńnia, ale jaki chacieŭ abaranić svoj narod tymi srodkami, jakija jon mieŭ», — padkreślivaje Chołbierh.
Mer Fłarencyi Darya Nardeła taksama zaprasiŭ u horad nastaŭnika škoły kłasičnaj adukacyi horada Tałachasi ŭ Fłarydzie, čyj urok vyklikaŭ taki skandał.
«Rašeńnie było absalutna impulsiŭnym». Lavon Volski raskazaŭ, jak raźbiŭ na kancercie hitaru
