U Viestminsterskim abactvie ŭpieršyniu luby achvotny zmoža prajścisia pa lehiendarnaj «karanacyjnaj placoŭcy». Ale tolki z adnoj umovaj FOTY
Hety śpiecyjalny dazvoł prymierkavany da ŭzychodžańnia na tron novaha karala Złučanaha Karaleŭstva Karła III.
Dla tych, chto choča prajści karanacyjnym šlacham karaloŭ i karaleŭ Vialikabrytanii ŭ Viestminsterskim abactvie, mahčymaść heta zrabić źjavicca ŭžo ŭ hetym mai, paviedamiŭ 24 sakavika aficyjny sajt abactva.
Hrupam da 10 naviedvalnikaŭ adnačasova budzie dazvolena chadzić pa padłozie ŭ asobnyja dni z 15 maja pa 29 lipienia. Heta budzie kaštavać 15 funtaŭ sterlinhaŭ (amal 50 rubloŭ), kali nie ličyć koštu ŭvachodnaha kvitka.
Adzinaja ŭmova — nieabchodna źniać abutak, kab abaranić placoŭku. Čamu heta tak važna? Reč va ŭnikalnaj siaredniaviečnaj mazaicy na padłozie, jakaja składajecca z marmuru, kamieniu, škła i mietału, jakija ŭ minułym pryvozili z roznych krain śvietu.
«Mazaika, lepšy ŭzor padłohavaj techniki kasmateska, jaki zachavaŭsia, nazvana ŭ honar italjanskaj siamji Cosmati, jakaja i stvaryła hety mastacki styl. Na joj adlustravany suśviet, u siaredzinie jakoha raźmiaščajecca ziamny šar. Heta padłohavaje pakryćcio pierad hałoŭnym ałtarom abactva było zavieršana jašče ŭ 1268 hodzie na zamovu karala Hienrycha III u jakaści miesca dla praviadzieńnia anhlijskich karanacyj», — skazana na aficyjnym sajcie abactva.
Dazvoł na chadžeńnie pa placoŭcy dadzieny ŭpieršyniu ŭ historyi (mazaika nie pakazvałasia publicy i da hetaha momantu znachodziłasia pad śpiecyjalnym dyvankom). Jon budzie ciesna źviazany z pracesam karanacyi novaha karala Złučanaha Karaleŭstva.
Reč u tym, što 6 maja ŭ Viestminsterskim abactvie budzie karanavany 74-hadovy Čarlz, jaki atrymaŭ imia Karł III razam z tronam ad svajoj pamierłaj maci Lizaviety II, byłoj karalevy Vialikabrytanii.
Śpiecyjalna da viasnovaha pracesu karanacyi budzie taksama vystaŭlena adrestaŭravanaje karanacyjnaje kresła 1300 hoda. Hety staražytny tron na praciahu stahodździaŭ byŭ centralnym elemientam anhlijskich karanacyj, u tym liku Hienrycha VIII, Karła I, karalevy Viktoryi i apošniaj karalevy Lizaviety II.
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova9
Kamientary