Halina Sołtan. Fota: staronka Haliny «Ukantakcie»
Paru Sołtanaŭ zatrymali dniami. Halina — 34-hadovy stamatołah ź Minska. Jana skončyła Minski miedycynski ŭniviersitet, a paśla — bolš za dziasiatak roznych dadatkovych kursaŭ. Žančyna pracuje ŭ pryvatnaj stamatałahičnaj klinicy, i na sajtach pra jaje adhukajucca vyklučna stanoŭča. U videa HUBAZiKa jana raspaviadaje, što ŭdzielničała ŭ maršy razam z mužam.
Uładzimir Sołtan. Fota: jaho staronka ŭ sacyjalnych sietkach
Muž Haliny — 35-hadovy minčuk Uładzimir Sołtan. Jon zajmajecca vytvorčaściu mebli, maje ŭłasnaje IP. Jamu zakidajuć toje, što jon nibyta administravaŭ dvaravy čat i taksama vychodziŭ na pratesty.
Ci zaviedziena suprać siamji kryminalnaja sprava — nieviadoma. Čat, jaki byccam by administravaŭ Uładzimir, pa jahonych słovach na milicejskim videa, pryznany «ekstremisckim», ale adšukać čat ci kanał z padobnaj avatarkaj nie atrymałasia.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Zatrymali syna Anatola Labiedźki
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
