Lekary adździaleńnia sasudzistaj chirurhii Hrodzienskaj univiersiteckaj kliniki vydalili 75-hadovaj pacyjentcy anieŭryzmu sonnaj arteryi dyjamietram 12—13 santymietraŭ, piša časopis «Miedycynski vieśnik».
Pacyjentka namacała nievialiki šaryk u siabie na šyi 13 hadoŭ tamu. Pa vynikach UHD i kampjutarnaj tamahrafii lekary vyjavili 4-santymietrovuju anieŭryzmu sonnaj arteryi (pašyreńnie ŭčastka sasuda sa stančeńniem jaho ścienki).
Chirurhi papiaredzili žančynu, što pry apieracyi vielmi vysokaja ryzyka śmiarotnaha zychodu, tamu žančyna ad chirurhičnaha ŭmiašańnia admoviłasia. Tym bolš što hetaje ŭtvareńnie spačatku jaje nie turbavała.
Adnak čatyry hady tamu anieŭryzma pačała raści i vyklikać mocnyja hałaŭnyja boli. U vyniku ŭ žančyny zdaryŭsia išemičny insult. Biez apieracyi była vysokaja ryzyka paŭtornaha insultu i śmierci.
«Anieŭryzma ščylna zrasłasia z navakolnymi tkankami, jaje adździaleńnie ad inšych sasudaŭ, niervaŭ, ciahlic hartani, padskivičnaj vobłaści šyjnaha adździeła pazvanočnika vyhladała dosyć składanym», — raskazaŭ zahadčyk adździaleńnia sasudzistaj chirurhii Hrodzienskaj univiersiteckaj kliniki Pavieł Haračaŭ.
Niahledziačy na składanaści, apieracyja skončyłasia paśpiachova i zaniała kala dźviuch hadzin. Paślaapieracyjnaje adnaŭleńnie, na dumku lekaraŭ, prajšło dobra. Zaraz žančyna nazirajecca ŭ śpiecyjalistaŭ.
Hetaja apieracyja — dastatkova ŭnikalnaja, tak jak śpiecyjalisty nie znajšli ŭ miedycynskich krynicach apisańnia apieracyj pa vydaleńni anieŭryzmy takoha pamieru za apošnija 20 hadoŭ, u tym liku i ŭ jeŭrapiejskaj praktycy.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6060
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie60
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary