Pad Viciebskam Dźvina padmyła bierah, u raku mohuć abrynucca dačy
Pad Viciebskam padčas pavodki Dźvina padmyła bierah i razburyła ŭčastak darohi. Jość taksama pahroza abvalvańnia ŭ raku damoŭ, haspadarčych pabudoŭ i inšych zbudavańniaŭ, paviedamiła MNS.
Padmyvańnie Dźvinoj bieraha z razbureńniem učastka hruntavoj darohi pamiž rakoj i sadovymi tavarystvami «Łužasna-1» i «Łužasna-2» kala vioski Barvin adbyłosia ŭviečary 5 krasavika. Ludzi ŭ vyniku nadzvyčajnaj situacyi nie paciarpieli, adnak uźnikła pahroza pabudovam na terytoryi hetych sadovych tavarystvaŭ.
Rašeńniem kamisii pa nadzvyčajnych situacyjach pry Viciebskim rajvykankamie situacyja kłasifikavana jak nadzvyčajnaja situacyja pryrodnaha charaktaru. Dla ŭmacavańnia hruntu bierahavoj linii i padsypki darohi zadziejničali 14 adzinak techniki.
Akramia taho, učora ŭ suviazi ź niespryjalnym hidrałahičnym stanoviščam, jakoje skłałasia ŭ suviazi z pavyšeńniem uzroŭniu vady na Dźvinie Vierchniadźvinskaje rajonnaje źviano Viciebskaj terytaryjalnaj padsistemy hramadzianskaj abarony pieraviedziena ŭ nadzvyčajny režym funkcyjanavańnia.
Pry hetym u miežach Viciebska ŭzrovień vady ŭ Dźvinie źnižajecca ŭžo druhija sutki, praŭda, padzieńnie pakul niaznačnaje. Na ŭčastku ž raki Połack — Vierchniadźvinsk rost uzroŭniu vady praciahvajecca.
Kamientary