Siońnia pačynajuć zavočna sudzić byłoha aficera HUBAZiK Stanisłava Łupanosava
U Minskim haradskim sudzie 7 krasavika raspačynajecca zavočny sud u dačynieńni da Stanisłava Łupanosava. Praces budzie vieści sudździa Alena Ananič. Heta vośmy zavočny sudovy praces u Biełarusi za apošnija piać miesiacaŭ, paviedamlaje «Viasna».
![](http://nnexpictures.fra1.digitaloceanspaces.com/img/w732d4webp1/photos/z_2023_04/photo_2023-03-13_20-36-05-gabnu-u5un9.jpg.webp)
Łupanosava sudziać za «zdradu dziaržavie», «niepravamiernaje zavałodańnie kampjutarnaj infarmacyjaj», «pieravyšeńnie ŭłady albo słužbovych paŭnamoctvaŭ».
Pavodle raskładu na sajcie Viarchoŭnaha suda, spravu buduć razhladać u zakrytym režymie.
KDB unios Stanisłava ŭ śpis asob, jakija majuć dačynieńnie da terarystyčnaj dziejnaści. U Śledčaha kamiteta na rasśledavańnie hetaj spravy ŭ paradku «śpiecyjalnaj vytvorčaści» syšło tolki dva tydni.
Stanisłaŭ Łapanosaŭ — padpałkoŭnik HUBAZIKa, padčas słužby supracoŭničaŭ z BYPOL. Pry kancy 2020-ha jon źjechaŭ ź Biełarusi. Pa jaho słovach, apošniaj kroplaj stała hibiel Ramana Bandarenki ŭ listapadzie 2020 hoda.
Kamientary