«Mnie strašna». Viadomy rasijski futbalist patłumačyŭ adjezd z krainy
Były forvard «Zienita» i adzin z najlepšych futbalistaŭ Rasii Alaksandr Kieržakoŭ patłumačyŭ adjezd z krainy ciažkaj situacyjaj i ŭłasnym stracham. Jon zajaviŭ, što pryniaŭ rašeńnie źjechać z Rasii vosieńniu minułaha hoda, ale admoviŭsia nazyvać heta emihracyjaj.
Alaksandr Kieržakoŭ zajaviŭ, što pryniaŭ rašeńnie źjechać z Rasii vosieńniu 2022 hoda. Adnak nazyvać heta emihracyjaj jon admoviŭsia. «Praź situacyju, jakaja skłałasia, nam chaciełasia pajechać tudy, dzie ciopła i prosta być tam, a nie ŭ Rasii. Nie źbiehčy, nie adchryścicca ad radzimy, a prosta źjechać u hety pramiežak času», — skazaŭ jon.
Svoj adjezd jon patłumačyŭ tym, što ŭ Rasii ŭvosień 2022 hoda skłałasia ciažkaja situacyja.
«Kožny dzień ty bačyš, čytaješ naviny. Da ciabie prychodzić uśviedamleńnie maštabnaści ŭsiaho, što adbyvajecca. Mnie i majoj žoncy stała vielmi ciažka, i my źjechali», — dadaŭ Kieržakoŭ.
Jon pryznaŭsia, što jamu strašna ad taho, što adbyvajecca ŭ Rasii.
«Mnie strašna. Ja nikoli ŭ žyćci nie moh pavieryć, što takoje mahčyma. Paśla praktyčna kožnaha intervju, kali mianie pytalisia, jakoje majo samaje hałoŭnaje žadańnie, jakoje ja chacieŭ zahadać, ja adkazvaŭ: kab nie było vajny. Ja nie razumieju, jak takoje mahčyma, kab ciapier u takim sučasnym i prahresiŭnym hramadstvie mahło adbyvacca toje, što ciapier adbyvajecca. U majoj hałavie heta nie ŭkładajecca, ale ja nie znachodžu adkazaŭ», — adznačyŭ Kieržakoŭ.
Alaksandr Kieržakoŭ — adzin z najlepšych futbalistaŭ u historyi Rasii. Jon dahetul źjaŭlajecca najlepšym bambardziram u historyi nacyjanalnaj kamandy — 30 hałoŭ, najlepšym bambardziram u historyi rasijskaha futboła (233 hały), a taksama najlepšym bambardziram u historyi «Zienita» (161 hoł).
Paśla karjery hulca jon pierajšoŭ na trenierskuju dziejnaść. Da apošniaha momantu treniravaŭ kiprskuju «Karmijotysu».
Arciom Dziuba: Ja całkam za Pucina i hetaha nie chavaju
Bajec UFC Muchamad Makajeŭ paprasiŭ, kab pra jaho kazali «z Dahiestana», a nie «z Rasii»
Paśla papiaredžańnia ad Kitaja kolkaść mihrantaŭ na polskim kirunku skaraciłasia ŭ razy — HRAFIK1
Paśla papiaredžańnia ad Kitaja kolkaść mihrantaŭ na polskim kirunku skaraciłasia ŭ razy — HRAFIK
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka87
Kamientary