Zatrymany ŭ Minsku rasijanin Alaksiej Maskaloŭ znajšoŭsia ŭ SIZA Žodzina
Alaksiej Maskaloŭ znachodzicca ŭ SIZA Žodzina, paviedamili Daily Storm u MZS RF. Jon čakaje rašeńnia ab departacyi.
«Pa stanie na 4 krasavika ŭkazany hramadzianin pieraviedzieny ŭ SIZA horada Žodzina, dzie čakaje rašeńnia ab departacyi. Miarkujecca, što Maskaloŭ budzie pieradadzieny ŭ Rasijskuju Fiederacyju dla adbyćcia pakarańnia na padstavie pastanovy, raniej vyniesienaj Jafremaŭskim mižrajonnym sudom Tulskaj vobłaści», — raspaviali ŭ pres-słužbie MZS.
U viedamstvie adznačyli, što skarhaŭ mužčyny na zdaroŭje ad svajakoŭ i advakataŭ nie pastupała.
«Pavodle najaŭnaj infarmacyi, umovy jaho ŭtrymańnia adpaviadajuć patrabavańniam nacyjanalnaha zakanadaŭstva», — dadali pradstaŭniki viedamstva. Raniej ŚMI pisali, što advakatam Maskalova nieviadomaje jaho miescaznachodžańnie.
Alaksieja Maskalova asudzili na minułym tydni da dvuch hadoŭ kałonii pa spravie ab «dyskredytacyi armii», a jaho dačku, jakaja namalavała antyvajenny malunak, zabrali ŭ prytułak.
Adnak u sud Maskaloŭ nie źjaviŭsia. Vyjaviłasia, što jon uciok z Rasii. Praz sutki Maskalova zatrymali ŭ Minsku paśla taho, jak jon nieaściarožna ŭklučyŭ mabilny.
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»6
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka82
Kamientary