Prysud śvietłahorskim «rejkavym partyzanam» pakinuli bieź źmienaŭ. Chutka ich etapujuć u kałonii
U Viarchoŭnym Sudzie 31 sakavika razhladali apielacyjnyja skarhi na prysud śvietłahorskim «partyzanam».
![](http://nnexpictures.fra1.digitaloceanspaces.com/img/w732d4webp1/photos/z_2023_04/sw230407-8883y.jpg.webp)
Dźmitryja Raviča asudzili da 22 hadoŭ kałonii, Dzianisa Dzikuna — da 23 hadoŭ, Aleha Małčanava — da 21 hoda. U vyniku terminy pakinuli bieź źmienaŭ, a skarhi — biez zadavalnieńnia, paviedamlaje «Homielskaja viasna».
Ich abvinavacili ŭ padpale relejnaj šafy sihnalizacyi, centralizacyi i błakavańnia (SCB) na pierahonie Žerdź —Astankavičy 28 lutaha 2022 hoda — na čaćviorty dzień poŭnamaštabnaj vajny va Ukrainie. Taksama ich asudzili za «zdradu dziaržavie» i rehistracyju ŭ płanie «Pieramoha» i suviaź z «Bajpołam». Praces try miesiacy prachodziŭ u zakrytym režymie.
U chutkim časie Dzianisa etapujuć u horackuju kałoniju № 9, Aleha — u navapołackuju kałoniju № 1, a Dźmitryja — u mahiloŭskuju kałoniju № 15.
Kamientary