Rasijski kamandzir zajaviŭ pra poŭnuju adsutnaść bojeprypasaŭ na niekatorych učastkach frontu
Kamandavańnie pryniało rašeńnie na ŭčastkach, dzie nie viadziecca aktyŭnaha nastupu, sutačnuju vydaču spynić amal całkam, kab nazapasić bojekamplekt na vypadak ukrainskaha nastupu, zajaviŭ Alaksandr Chadakoŭski.
![Alexander Khodakovsky Russian commander](http://nnexpictures.fra1.digitaloceanspaces.com/img/w732d4webp1/photos/z_2023_04/khodakovskiy-dhet9.jpg.webp)
«Kali našy niadaŭnija žalby na niedachop bojekamplektu adlustroŭvali adny tendencyi, to ciapier nie niedachop, a amal poŭnaja adsutnaść abumoŭlenaja, u tym liku, i inšaj pryčynaj: padrychtoŭkaj da nastupu praciŭnika. Tak, my robim niejkuju kolkaść bojeprypasaŭ na miesiac, ale sutačny raschod u režymie pazicyjnaha badańnia amal całkam źjadaŭ zapasy, jakija pastupajuć na front», — napisaŭ jon u svaim telehram-kanale.
Pa jaho słovach, ciapier kamandavańnie pryniało rašeńnie na ŭčastkach, dzie nie viadziecca aktyŭnaha nastupu, sutačnuju vydaču spynić amal całkam. I hetaje rašeńnie dla pieradavych častak vielmi balučaje.
«Kali tvaju piachotu apracoŭvajuć, jak u ciry — strymana ŭsprymać heta niemahčyma. Ale kali my razumiejem, što staić na konie — nam daviadziecca tryvać. Nam vostra nieabchodna sustreć sapiernika tak, kab navat jaho mahčymy taktyčny pośpiech paviarnuŭsia dla jaho poŭnym vysilvańniem, što dazvolić nam pierahrupavacca i ŭ pierśpiektyvie zavałodać inicyjatyvaj».
Chadakoŭski ličyć kontranastup ukrainskich vojskaŭ mahčymym, pakolki sapiernik nie rastraciŭ resursu pry vyzvaleńni poŭnačy Ukrainy, Chiersona i Charkaŭskaj vobłaści.
«Jon zakumulavaŭ resurs na toj ža Chierson, jaki zastaŭsia praktyčna niavykarystanym — voś jon ciapier jaho i vykarystoŭvaje, uzmacniŭšy za praciahły čas i žyvoj siłaj, i technikaj, atrymanaj na Zachadzie. Usia nadzieja ciapier na našy harmaty i rakiety. Kali zmožam vycisnuć ź ich maksimum efiektyŭnaści — piachota ŭstaić, a kali dzie i papiacicca, to pieramoha sapierniku abydziecca vielmi doraha», — reziumuje jon.
Alaksandr Chadakoŭski zdradziŭ Ukrainie i pierajšoŭ na bok Rasii ŭ 2014 hodzie. Na toj momant jon kamandavaŭ danieckim atradam «Alfa» Słužby biaśpieki Ukrainy. U 2022 hodzie hety 50-hadovy aficer udzielničaŭ u šturmie Maryupala, padčas jakoha zahinuli, pa roznych acenkach, abo tysiačy, abo dziasiatki tysiač žycharoŭ hetaha horada na bierazie Azoŭskaha mora. U 2023 hodzie jon atrymaŭ hienieralskaje zvańnie ŭ Nacyjanalnaj hvardyi Rasii.
Rasijski kamandzir zaklikaŭ «źnieści pierad saboj usio», kab uziać «niedahorad Vuhladar»
Kamientary
Donbabvie i Łuhandonija okazaliś vozmožnymi iz-za totalnoho sovieršienija priestuplenii łuhanskimi i donieckimi mientami i sbušnikami, oni obieśpiečivali zaŝitu "protiestujuŝich" v Donieckie i Łuhanskie, zavozimych iz Rośsii avtobusami i pojezdami, liš by ujti ot uhołovnoj otvietstviennosti za svoi priestuplenija v Ukrainie.
A von ono čiem zakončiłoś - učastijem v vojnie protiv svojej strany, na storonie zachvatčikov i ahriessorov iz Rośsii.
Počti takuju žie rol, pośle 9 avhusta 2020 hoda, ihrajet v Biełarusi łukašienko, hubopik, khb i mvd RB.
Oni strojat biełorusskuju łuhandoniju v intieriesach Rośsii, liš by svoi zadnicy spasii ot uhołovnoho prieśledovanija za svoi priestuplenija protiv nasielenija Biełarusi.
Biełorusskuju łuhandoniju dažie jadiernym oružijem prikryli i rośsijskoj okkupacijej, čtoby zadnicy svoi spasti.