U Słucku abnavili steły na ŭjezdach u horad, pamianiali datu jaho zasnavańnia
Pra toje, što na stełach pry ŭjeździe ŭ Słuck z usich čatyroch bakoŭ datu 1116 pamianiali na 1005, paviedamiŭ miascovy sajt SlutskGorod.
Aficyjnaja data zasnavańnia Słucka była źmieniena z 1116 na 1005 hoda rašeńniem Słuckaha rajonnaha Savieta deputataŭ ad 29 vieraśnia 2022 hoda.
Hetaje rašeńnie było čynoŭnicka-valuntarysckim i pradyktavana asabistymi ambicyjami miascovych viertykalščykaŭ, a nie novymi adkryćciami histaryčnaj navuki. Praŭda, rajonnaje kiraŭnictva pry pryniaćci rašeńnia apielavała akurat da histaryčnych dakumientaŭ, ale dakumienty tyja byli viadomyja daŭno, toje ž, što da ich śviedčańniaŭ u prafiesijnych daśledčykaŭ było krytyčnaje staŭleńnie, mieła surjoznyja pryčyny.
Ale ŭ žadańni apiaredzić susiedni Kapyl, kiraŭnictva jakoha ŭ 2016 hodzie praviało padobny fint, valavym rašeńniem dadaŭšy sabie až 268 hadoŭ i apiaredziŭšy Słuck bolš čym na stahodździe, słuckija viertykalščyki z dumkaj navukoŭcaŭ nie ličylisia.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary