Rasijskija ŚMI paviedamlajuć pra śmierć 47-hadovaha rasijskaha prapahandysta Eduarda Bahirava.
Uradženiec Turkmienistana Eduard Bahiraŭ u svoj čas staŭ viadomy jak aŭtar knih «Hastarbajtar» i «Idealist». Akramia litaraturnaj dziejnaści, jon byŭ davieranaj asobaj Pucina na vybarach 2012 hoda, a apošnim časam pracavaŭ na dziaržaŭnym radyjo «Sputnik» i zajmaŭsia prasoŭvańniem kalakramloŭskaha paradku dnia ŭ telehramie.
U 2010-ja hady Bahiraŭ zdabyŭ viadomaść tym, što aktyŭna imknuŭsia prasoŭvać prarasijski infarmacyjny paradak dnia ŭ Małdovie, dzie ŭ toj čas byŭ piermanientny palityčny kryzis i viałasia niaspynnaja baraćba za ŭładu pamiž prarasijskimi i prazachodnimi palityčnymi siłami. Za ŭmiašańnie va ŭnutranyja spravy Małdovy jon navat zatrymlivaŭsia małdaŭskimi ŭładami, a ŭ 2016 hodzie byŭ zavočna asudžany na 5 hadoŭ źniavoleńnia.
Pa infarmacyi ŚMI, uvieś apošni tydzień Bahiraŭ znachodziŭsia ŭ komie, u jaho nibyta admovili ŭsie orhany. U svaju čarhu, telehram-kanał Mash piša, što Bahirava špitalizavali 1 krasavika sa straŭnikava-kišačnym kryvaciokam, a chvareŭ jon na cyroz piečani. Jašče za niekalki dzion da taho jon pracavaŭ i vychodziŭ u efir.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam17
Kamientary