Ministerstva zamiežnych spraŭ Litvy vystupiła z rašučaj notaj pratestu ŭ suviazi ź nieadnarazovymi vypadkami parušeńnia biełaruskimi pamiežnikami litoŭskaj dziaržaŭnaj miažy. Notu siońnia ŭručyli pradstaŭniku biełaruskaj ambasady.
«Nota była ŭručanaja ŭ suviazi z parušeńniem dziaržaŭnaj miažy Respubliki Litva supracoŭnikam pamiežnaj słužby Respubliki Biełaruś, zafiksavanym 12 krasavika 2023 hoda ŭ zonie dziejańnia Šviančonskaj pamiežnaj zastavy Vilenskaha pamiežnaha atrada», — paviedamlaje MZS Litvy.
Litoŭski bok patrabuje ad Biełarusi jak maha chutčej dać tłumačeńni datyčna incydentu i pryniać nieabchodnyja miery dla praduchileńnia takich incydentaŭ u budučyni.
Słužba achovy dziaržaŭnaj miažy Litvy abvinavaciła biełaruskich pamiežnikaŭ u parušeńni miažy 12 krasavika. Paviedamlałasia, što piaciora biełaruskich pamiežnikaŭ išli ŭzdoŭž miažy. Adzin ź ich nienadoŭha zajšoŭ na litoŭskuju terytoryju na adlehłaść kala adnaho mietra i biez spynieńnia viarnuŭsia na terytoryju Biełarusi.
Prezident Litvy nakłaŭ vieta na zakon ab abmiežavańniach dla hramadzian Biełarusi i RF i prapanavaŭ tyja ž abmiežavańni dla biełarusaŭ
Na sajcie litoŭskaha Departamienta mihracyi źjaviłasia infarmacyja pa-biełarusku i pad bieła-čyrvona-biełym ściaham
Litva śćviardžaje, što spyniła impart padsankcyjnaj draŭniny ź Biełarusi i Rasii
Vylecieła ŭ nieviadomym kirunku śpikierka KR Anžalika Mielnikava30
Kamientary