Vienhryja łabiruje intaresy Biełarusi ŭ ES — pasoł Biełarusi ŭ Vienhryi
U Biełarusi pa-raniejšamu šmat siabroŭ u Jeŭropie, ličyć pasoł Biełarusi ŭ Vienhryi Uładzimir Ułachovič.
Pavodle dypłamata, adnaviła rabotu biełaruska-vienhierskaja mižuradavaja kamisija, i «heta vielmi rezanansnaja padzieja».
Novaja tema — heta ŭzajemadziejańnie ŭ enierhietyčnaj atamnaj śfiery pamiž Vienhryjaj i Biełaruśsiu. «Našy vienhierskija partniory vielmi hodna i vysoka ceniać vopyt, jaki Biełaruś maje siońnia z našaj atamnaj stancyjaj», — kaža Ułachovič.
Pavodle jaho, Vienhryja, jakaja pavinna padtrymlivać sankcyjny režym krain ES, «umudrajecca znachodzić punkty sudakranańnia i supracoŭničać ź Biełaruśsiu».
«Dla nas samaje adčuvalnaje — heta straty ŭ našym ekspartnym partfieli. Jany tyčacca sankcyjnaj pradukcyi: heta minieralnyja ŭhnajeńni, jakija siudy pastaŭlalisia, drevaapracoŭka. Darečy, pa drevaapracoŭcy našy vienhierskija partniory zjaŭlajucca svojeasablivymi łabistami dla taho, kab chacia b prabić kvoty pa pieletach, jakija vielmi zapatrabavanyja na jeŭrapiejskim rynku», — kaža Uładzimir Ułachovič.
Jon śćviardžaje, što «niahledziačy ni na što, u Jeŭropie pa-raniejšamu šmat siabroŭ. I da našaj krainy staviacca ź vialikaj simpatyjaj i pavahaj».
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary