Ułady Jehipta admovilisia ad płana vyrablać snarady dla rasijskich vojskaŭ
Ułady Jehipta admovilisia ad płana vyrablać snarady dla rasijskich vojskaŭ. Takoje rašeńnie, piša hazieta The Washington Post sa spasyłkaj na źlityja dakumienty amierykanskaj raźviedki, było pryniataje paśla ŭmiašańnia ZŠA.
Raniej z toj ža ŭciečki dakumientaŭ stała viadoma, što prezident Jehipta Abduł Fatach as-Sisi ŭ lutym daručyŭ tajemna padrychtavać płan vytvorčaści 40 tysiač reaktyŭnych snaradaŭ, jakija źbiralisia pieradać Rasii.
Adnak paśla vizitaŭ u Jehipiet amierykanskich aficyjnych asob, u tym liku kiraŭnika Pientahona Łojda Ościna na pačatku sakavika, płan pastavak snaradaŭ Rasii «byŭ pastaŭleny na paŭzu».
Zamiest hetaha, jak piša The Washington Post, Jehipiet pahadziŭsia pradać ZŠA artyleryjskija snarady dla ŭkrainskaha vojska. Vydańnie ličyć heta «vidavočnaj dypłamatyčnaj pieramohaj» administracyi Džo Bajdena.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary