Ab pryjeździe kiraŭnika tak zvanaj «Danieckaj Narodnaj Respubliki» Dzianisa Pušylina da Alaksandra Łukašenki paviedamili biełaruskija dziaržaŭnyja ŚMI.
«Pracy napieradzie šmat. Treba adnaŭlacca. Treba pramysłovyja pradpryjemstvy adradžać, sielskuju haspadarku. U rešcie rešt ludzi tam žyć buduć. Heta 100%. I karmić ludziej ža treba. Tamu my hatovyja akazać adpaviednuju dapamohu i padtrymku dla taho, kab nie čužyja nam ludzi tam narešcie pierastali pakutavać. Tamu ja čakaju takoj ščyraj ad vas razmovy», — skazaŭ Alaksandr Łukašenka hościu.
41-hadovy Dzianis Pušylin uznačalvaje stvoranuju rasijanami administracyju akupavanych terytoryj Danieckaj vobłaści Ukrainy. Ën byŭ pryznačany ŭ 2018 hodzie paśla zabojstva jaho papiarednika, Alaksandra Zacharčanki, jaki zahinuŭ ad vybuchu bomby, zakładzienaj u restaranie, dzie jon viačeraŭ.
Raniej Biełaruś aficyjna nie pryznavała prynaležnaści da Rasii akupavanych joju ŭkrainskich rehijonaŭ.
Kali letam 2022 hoda Pušylin naviedvaŭ Brest, to sustrakalisia ź im čynoŭniki nievysokaha ranhu. Ź im nie paličyŭ patrebnym sustrecca navat staršynia Bresckaha abłvykankama, nie kažučy pra kaho-niebudź vysokapastaŭlenaha ź Minska. Dziaržaŭnaje ahienctva BiełTA nie napisała tady ni słova ab pryjeździe Pušylina ŭ Brest.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary