Deputaty prapanavali dapoŭnić zakon ab ŚMI zabaronaj na prapahandu ŁHBT
Deputaty na pasiadžeńni siesii Pałaty pradstaŭnikoŭ pryniali ŭ pieršym čytańni zakonaprajekt «Ab źmianieńni zakona Respubliki Biełaruś «Ab srodkach masavaj infarmacyi».
Prajekt zakona ŭniesieny ŭ Pałatu pradstaŭnikoŭ uradam. Paviedamlajecca, što jon nakiravany na zabieśpiačeńnie kanstytucyjnaha prava hramadzian na atrymańnie poŭnaj i dakładnaj infarmacyi, abarony dziaržaŭnych i hramadskich intaresaŭ, nacyjanalnaj biaśpieki ŭ halinie masavaj infarmacyi, paviedamlaje BiełTA.
Dakumientam «udakładniajecca paradak dziejnaści zamiežnych srodkaŭ masavaj infarmacyi na terytoryi Biełarusi, zamacoŭvajecca mahčymaść prymianieńnia mier u adkaz u dačynieńni da zamiežnych srodkaŭ masavaj infarmacyi, internet-resursaŭ, žurnalistaŭ zamiežnych srodkaŭ masavaj infarmacyi».
Prajekt zakona prajšoŭ usie nieabchodnyja pracedury dla razhladu Pałataj pradstaŭnikoŭ. Zaŭvahi i prapanovy, jakija pastupili, nie nosiać kanceptualnaha charaktaru i buduć urehulavanyja pry padrychtoŭcy zakonaprajekta dla razhladu ŭ druhim čytańni.
Taksama deputaty prapanavali dapoŭnić zakon ab ŚMI zabaronaj na prapahandu ŁHBT.
Kiraŭnik Mininfarma Uładzimir Piarcoŭ adznačyŭ, što, jany ŭžo raspačali dastatkovyja miery dla taho kab raspaŭsiudžvańnie takoj pradukcyi ŭ našaj krainie było abmiežavanaje. «Ja dumaju, što treba ŭ kompleksie padyści da raspracoŭki takoha zakonaprajekta i klučavuju rolu pavinny adyhrać zakanadaŭcy, ściahnuŭšy da siabie roznyja viedamstvy: i Minadukacyi, i Ministerstva achovy zdaroŭja, i Mininfarm, i MUS, kab heta byŭ kompleksny i šyroki pravavy akt», — skazaŭ Piarcoŭ.
Mininfarm Biełarusi rychtujecca da abarony tradycyjnych kaštoŭnaściaŭ Rasii
Łukašenka zajaviŭ, što ŭ Biełarusi jość hiei na samych vysokich uzroŭniach i jany «załatyja ludzi»
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary