U Kramli adredahavali videa vizitu Pucina. Ën havaryŭ pra Vialikdzień u budučym časie

Kreml ranicaj 18 krasavika apublikavaŭ videa vizitu Uładzimira Pucina ŭ Chiersonskuju vobłaść i «ŁNR». Sa słoŭ kiraŭnika Rasii na pieršapačatkovym videa Kramla vynikaje, što pajezdka mahła adbycca jašče na minułym tydni. Praktyčna adrazu videa zamianili, paviedamlaje «Ahienctva. Naviny».

Apublikavanaje videa pačynajecca z taho, što Pucin vychodzić ź viertalota, jaki staić z užo zahłušanym ruchavikom. Na borcie viertalota niama bartavoha numara. Zatym na zadnim siadzieńni japonskaha pazadarožnika «Tajota Łend Kruzier» prezident Rasii dajazdžaje da raźmieščanaha prykładna za 40 km ad miažy z Krymam Hieničaska. Kartež prajazdžaje stełu, jakaja staić na ŭjeździe ŭ horad z boku pasiołka Novaalaksiejeŭka.

Ź videa moža skłaścisia ŭražańnie, što Pucin prylacieŭ u Hieničask na viertalocie. Adnak pakazanyja paźniej kadry adjezdu Pucina z horada mohuć śviedčyć pra toje, što jon pierasoŭvaŭsia na viertalocie tolki pa terytoryi Kryma, a ŭ Chiersonskaj vobłaści jechaŭ na mašynie. Na kadrach adjezdu Pucina bačnaja haścinica Čanhar, raźmieščanaja prosta na miažy z Krymam. Nad haścinicaj kružać niekalki viertalotaŭ. Paśla hetych kadraŭ u aficyjnaj chronicy Kramla iduć kadry, źniatyja ź viertalota.

U Hieničasku Pucina sustrakaje kamandujučy hrupoŭkaj «Dniepr» hienierał-pałkoŭnik Aleh Makarevič. Na kadrach sustrečy možna razhledzieć numar adnoj z mašyn u kartežy prezidenta — v202av 99. Raniej hety numar užo źjaŭlaŭsia na forumie, pryśviečanym aŭtamabilnym numaram śpiecsieryj, jakija vykarystoŭvajucca ŭładaj. Jaho sustrakali na mašynach UAZ Patriot i Renault Logan.

U supravadžeńni Makareviča Pucin prachodzić u pamiaškańnie z nadpisam «hrupoŭka vojskaŭ «Dniepr»». Spasyłki na hetuju hrupoŭku vojskaŭ pačali źjaŭlacca ŭ publikacyjach niekalki miesiacaŭ tamu, adnak dahetul ničoha nie paviedamlałasia pra jaje kamandujučaha.

Z paviedamleńnia na sajcie Kramla vynikaje, što Pucin taksama zasłuchaŭ dakład kamandujučaha PDV Michaiła Ciaplinskaha. Heta abviarhaje zajavy vajenkaraŭ ab tym, što Ciaplinski byŭ źniaty z pasady ŭ studzieni, a jaho miesca zaniaŭ Makarevič. Na apublikavanym videa Pucin prosić Ciaplinskaha asabista dałažyć jamu pra situacyju na froncie.

Paśla hetaha iduć kadry z pakoja z kaflanymi ścienami, dzie Pucin uručyŭ vajennym kopiju ikony, jakaja naležała «adnamu z najbolš paśpiachovych ministraŭ abarony Rasijskaj armii ŭ XIX stahodździ». Supracoŭnik VHTRK Andrej Miadźviedzieŭ vykazaŭ zdahadku, što havorka idzie pra hrafa Dźmitryja Milucina.

Pry ŭručeńni ikony Pucin pramaŭlaje: «Ciapier voś Vialikdzień budzie, tak?»

U 2023 hodzie pravasłaŭny Vialikdzień śviatkavaŭsia 16 krasavika, i kiraŭnik dziaržavy prysutničaŭ na vielikodnym nabaženstvie ŭ Chramie Chrysta Zbaŭcy ŭ noč z 15 na 16 krasavika. Hetyja słovy Pucina dazvalajuć zrabić vysnovu, što sustreča prachodziła da 16 krasavika (18 krasavika Dźmitryj Piaskoŭ zajaviŭ žurnalistam, što Pucin naviedvaŭ akupavanuju Chiersonščynu i «ŁNR» učora, 17 krasavika — NN). U videa, apublikavanym na sajcie Kramla, słova «budzie» vyrazanaje. Jano źnikła i ź videa ŭ telehram-kanale pres-słužby prezidenta.

Paśla hetaha Pucin akazvajecca, jak paviedamlajecca, u Łuhanskaj vobłaści. Na hetych kadrach kiraŭnik rasijskaj dziaržavy apranuty ŭ inšaje adzieńnie (čornaja vadałazka zamiest kašuli z halštukam). Tut jon sustrakajecca z hienierał-pałkoŭnikam Alaksandram Łapinym u pamiaškańni z nadpisam «hrupoŭka vojskaŭ (sił) «Uschod» vojskaŭ nacyjanalnaj hvardyi Rasijskaj Fiederacyi». Hetaja sustreča paćvierdziła paviedamleńni, što Łapina viarnuli na front u krasaviku.

Sustreča Pucina z Łapinym moža śviedčyć pra ŭzmacnieńnie pazicyj Minabarony i pasłableńnie pazicyj zasnavalnika «PVK Vahniera» Jaŭhiena Pryhožyna i kiraŭnika Čačni Ramzana Kadyrava. Mienavita jany nastojvali na źniaćci Łapina z pasady kamandujučaha hrupoŭkaj «Centr» paśla zdačy Limana.

U Kramli paviedamili, što pajezdki Pucina na anieksavanyja terytoryi «zahadzia nie rychtavalisia».

Heta druhi viadomy vypadak naviedvańnia Pucinym anieksavanych terytoryj. Upieršyniu jon jeździŭ u Danbas miesiac tamu: pavodle paviedamleńnia Kramla i zajavy Dźmitryja Piaskova, uviečary 18 sakavika jon naviedvaŭ Maryupal.

Čytać taksama:

Pucin naviedaŭ rasijskija vojski na poŭdni Ukrainy

• 4
• 0
• 20
• 6
• 2
• 1
• 4
• 0