Biełarusy, jak praviła, hruntoŭna rychtujucca da Vialikadnia — haspadyni hatujuć bułki i farbujuć jajki cełymi dziasiatkami. Chtości paśpiavaje źjeści śviatočnyja stravy za paru dzion, a chtości nie. «Minskaja praŭda» pacikaviłasia, kolki možna zachoŭvać takija pačastunki.
Zachoŭvać bułki, jak praviła, možna da čatyroch dzion. Kab jany pavolniej čarśćvieli, ich kładuć u polietylenavyja pakiety abo abhortvajuć charčovaj plonkaj.
Kali kazać pra farbavanyja jajki, to jany zachoŭvajucca hetak ža, jak i zvyčajnyja varanyja. Pry pakajovaj tempieratury jajki možna zachoŭvać nie bolš za 2-3 sutak, u chaładzilniku — daŭžej (tydzień—dva). Kali ŭ pamiaškańni ciaplej za 20 hradusaŭ, jajki biez chaładzilnika treba źjadać na praciahu 10-12 hadzin. U chaładzilniku śviatočny charčovy pradukt pažadana zachoŭvać u papiarovaj upakoŭcy i na palicy, a nie na dźviercach, dzie tempieratura «skača».
Razam z tym ačyščanyja jajki abo tyja, u jakich tresnuła škarłupina paśla hulni ŭ «bitki», rekamiendujecca zachoŭvać vyklučna ŭ chaładzilniku prykładna sutki—dvoje.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary