Biudžetnych miescaŭ krychu paboleje, a płatnych pamienieje. Jakija navacyi čakajuć abituryjentaŭ u hetym hodzie
Kantrolnyja ličby pryjomu abituryjentaŭ na płatnuju i biudžetnuju formy navučańnia zaćvierdžanyja ŭ Biełarusi. Pra heta raspavioŭ žurnalistam pieršy namieśnik ministra adukacyi Alaksandr Bachanovič, paviedamlajuć Minsk-naviny.
— Zaćvierdžanyja kantrolnyja ličby pryjomu za košt biudžetu i na płatnuju formu navučańnia. Usiaho ŭ 2023 hodzie VNU płanujuć nabrać 52,2 tys. abituryjentaŭ, što na 900 čałaviek mienš, čym u 2022 hodzie, — raspavioŭ A. Bachanovič.
Dla biudžetnikaŭ vyznačana 28,4 tysiačy miescaŭ. Hodam raniej płan pryjomu abituryjentaŭ za košt srodkaŭ dziaržavy byŭ niekalki nižejšy — 27,8 tys.
A voś lik płatnikaŭ skarocicca. U hetym siezonie VNU płanujuć nabrać 23,8 tys. abituryjentaŭ, u minułym — ličba była praktyčna na 1,5 tys. čałaviek bolšaja.
— Płan pryjomu na ŭzroŭni siarednich śpiecyjalnych ustanoŭ — 39,6 tys., u tym liku na biudžet — 27,4 tys. i heta na 1,1 tys. bolš, čym u 2022 hodzie, — adznačyŭ A. Bachanovič.
Na rabočyja śpiecyjalnaści prafiesijnyja kaledžy prymuć 26 tys. vypusknikoŭ škoł. U hetym vypadku płan pryjomu anałahičny letašniamu.
— Na 2% skaročany pryjom va ŭstanovy vyšejšaj adukacyi Minska. I na taki ž pracent jon pavialičany ŭ rehijanalnych VNU. Heta abumoŭlena nieabchodnaściu ŭmacavańnia i zamacavańnia kadraŭ u abłaściach, — padkreśliŭ A.Bachanovič.
U 2023 hodzie pavialičany na 10% nabor na miedycynskija i na 4% na asobnyja piedahahičnyja śpiecyjalnaści.
U apošnim vypadku havorka pra daškolnuju i pačatkovuju adukacyju, a taksama śpiecyjalnaści fizika-matematyčnaha profilu.
— Pavieličeńnie źviazanaje z tym, što hetyja haliny adčuvajuć peŭny deficyt kadraŭ, i pry płanavańni i zaćviardžeńni kantrolnych ličbaŭ pryjomu my zychodzili z hetych patrebaŭ, — skazaŭ A.Bachanovič. — U svaju čarhu, skaročany pryjom abituryjentaŭ na ekanamičnyja i nieaktualnyja technika-technałahičnyja napramki. Hetyja padychody buduć dla nas asnovaj pry farmavańni płana pryjomu ŭ VNU i ŭ nastupnyja hady.
Čytać taksama:
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary