«Ja dumała, što papraviłasia, bo jeła šmat hamburhieraŭ».
11‑hadovaja Kardeza Želazkova z bałharskaha Śliviena pry kancy kastryčnika naradziła dačku ad 19‑hadovaha Želazko Dzimitrava.
Dzicia naradziłasia na druhi dzień paśla viasiella. Maładych viančali ŭ carkvie, bo raśpisvacca ŭ ZAHSie ŭ Bałharyi možna tolki z 14 hadoŭ. Kardezu pryvieźli ŭ špital u biełaj sukiency z fatoj. Rody doŭžylisia 20 chvilin. Dačka naradziłasia zdarovaj važyła 2,5 kh. Nazvali Vijaletaj. Nieŭzabavie 19‑hadovaha Želazko aryštavali. Za razbeščvańnie małaletniaj jaho mohuć pasadzić na šeść hadoŭ.
‑ Ja bolš nie hulaju z cackami, bo ciapier maju novuju, ‑ kaža maładaja maci. — Ja była ščaślivaja, kali ŭbačyła dačku. Jana takaja pryhožańkaja. U škołu nie viarnusia.
Kardeza paznajomiłasia z budučym mužam na spartyŭnaj placoŭcy la škoły. Pryznačyła spatkańnie. Nie kazała, kolki joj hadoŭ. Zaciažaryła praz tydzień paśla znajomstva.
‑ Ja spačatku nie źbiraŭsia sustrakacca ź joj, a tym bolš zavodzić dzicia, — kaža Želazka Dzimitraŭ. — Choć zakachaŭsia ź pieršaha pohladu — abaraniŭ dziaŭčynu ad chłopcaŭ, jakija abražali jaje na školnaj placoŭcy. Potym jana adšukała mianie, zaprasiła na spatkańnie. Dumaŭ, što joj 15. Sapraŭdny ŭzrost daviedaŭsia, kali zaciažaryła.
Kardeza dumała, što papraviłasia, bo jeła šmat hamburhieraŭ.
Pakul Kardeza nie dasiahnie paŭnalećcia, dziciom buduć zajmacca jejnyja baćki i baćki muža. Na ŭtrymańnie novanarodžanaha dziaržava płacić $115 u miesiac.
Samaj maładoj maci ŭ śviecie ličycca Linu Miedzina ź Pieru. U 1939 h. u 5 hadoŭ jana naradziła syna Chierarda.
Dziaŭčyncy zrabili kiesarava. Ad kaho jana zaciažaryła, nieviadoma. Jaje baćku aryštavali pavodle padazreńnia ŭ zhvałtavańni. Adnak adpuścili za adsutnaściu dokazaŭ.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj67
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1818
Kamientary