U čatyroch rajonach Biełarusi ŭviali abmiežavańni na naviedvańnie lasoŭ
U čatyroch rajonach Biełarusi Minlashas uvioŭ abmiežavańni na naviedvańnie lasnych masivaŭ. Infarmacyja pra heta adlustravanaja na interaktyŭnaj karcie viedamstva.
Usie rajony, jakija patrapili pad abmiežavańni, znachodziacca ŭ Hrodzienskaj vobłaści: Astraviecki, Lidski, Voranaŭski i Smarhonski. Žychary inšych rehijonaŭ mohuć bieśpieraškodna naviedvać lasy.
Abmiežavańni na lasnyja prahułki ŭvodziacca ŭ vypadku vysokaj ryzyki pažarnaj niebiaśpieki. Kali takaja vierahodnaść źnižajecca — sankcyi zdymajucca.
Sačyć za situacyjaj u režymie realnaha času možna z dapamohaj interaktyŭnaj karty na sajcie Minlashasa. Na joj pakazana, u jakich rehijonach dziejničajuć abmiežavańni abo zabarony na naviedvańnie lasoŭ.
Darečy, amal uvieś minuły hod, pačynajučy z pačatku napadu na Ukrainu, byŭ zabaronieny dostup u lasy na miažy ŭ paŭdniova-ŭschodnich rajonach Homielščyny, prytym hety režym nijak nie zaležaŭ ad nadvorja. Mierkavałasia, što takija abmiežavańni nakładalisia z-za taho, što rasijskija vojski, jakija ažyćciaŭlali ahresiju, zaśmiecili hetuju terytoryju niebiaśpiečnymi vybuchovymi materyjałami. Ciapier, jak vyhladaje, hetaja prablema źniataja.
Dva dni tamu pad abmiežavańni patrapiŭ Akciabrski rajon Homielskaj vobłaści, adnak nieŭzabavie Minlashas paviedamiŭ, što heta vynik zboju sistemy.
Kamientary