Vybrańnikam śpiavački-biełaruski staŭ pradziusar, klipmejkier i «huru ŭ miedytacyi» Fiodar Biełahaj.
Śpiavačka Marharyta Hierasimovič, jakaja vystupaje pad psieŭdanimam Ryta Dakota, abviaściła, što vychodzić zamuž. Takuju zajavu artystka zrabiła ŭ svaim instahramie, zaŭvažyła tochka.by.
Na fota ŭśmiešlivaja Ryta ź vialikim bukietam čyrvonych ruž pakazvaje zaručalny piarścionak. U podpisie jana pryznajecca: «Ja skazała «tak» (ale… nie adrazu)».
Vybrańnikam Dakoty staŭ pradziusar, klipmejkier i zasnavalnik škoły miedytacyi Fiodar Biełahaj.
Razam para ŭžo bolš za dva hady. Jak pryznavalisia sami Dakota i Biełahaj, spačatku jany pryhladalisia adno da adnaho. Iskra pamiž imi prabiehła na zdymkach klipa śpiavački «Elektryčnaść».
Novy chłopiec dobra pryniaŭ dačku Ryty i jaje byłoha muža Ułada Sakałoŭskaha — Miju. Zrešty, nie abychodziłasia ŭ pary i bieź ciažkaściaŭ — na fonie pandemii i karancinu jany navat prymali rašeńnie rasstacca, adnak paśla znoŭ syšlisia.
Doŭhi čas Ryta i Fiodar žyli na Bali, adnak niadaŭna źjechali z vostrava. Dzie mienavita i ŭ jakim farmacie projdzie viasielle, artystka i jaje vybrańnik pakul nie raskryvajuć.
Chto takaja Ryta Dakota
Ryta Dakota (sapraŭdnaje imia — Marharyta Hierasimovič) — 33-hadovaja biełaruskaja śpiavačka i kampazitar, naradziłasia ŭ Minsku. U 2007 hodzie ŭdzielničała ŭ prajekcie «Fabryka zorak», tam jana paznajomiłasia sa svaim budučym pieršym mužam Uładam Sakałoŭskim i zajaviła pra siabie chitom «Zapałki».
Paśla Ryta na niekatory čas źnikła z ekranaŭ, adnak zdoleła pierazapuścić muzyčnuju karjeru. Akramia taho, Dakota napisała pieśni dla Jołki, Zary i Śviatłany Łabady.
U Marharyty jość dačka Mija ad pieršaha šlubu, jakaja naradziłasia ŭ 2017 hodzie.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary