Śviatłana Cichanoŭskaja zaklikała biełarusaŭ zamiežža vychodzić na Čarnobylski šlach u svaich haradach
U nastupnuju sieradu buduć adznačacca 37-ja ŭhodki Čarnobylskaj katastrofy.
«Vy, napeŭna, jak i ja — dzicio Čarnobyla. I vy ŭžo viedajecie, što zaraz dyktatary źbirajucca raźmiaścić u Biełarusi rasijskuju jadziernuju zbroju. Tamu ja zaklikaju ŭsich, chto ciapier znachodzicca ŭ fizičnaj biaśpiecy. Palityki, aktyvisty, žurnalisty, pradprymalniki, ajcišniki, studenty i piensijaniery, — vychodźcie na akcyi 26 krasavika, u dzień Čarnobylskaj trahiedyi, u svaim horadzie. Vialikija akcyi ŭžo zapłanavanyja ŭ Vilni i Varšavie. Dałučajciesia da akcyjaŭ u hetych haradach ci arhanizoŭvajcie ich u svaich, kab hučna i publična zajavić — biełarusy suprać jadziernaj zbroi», — zajaviła siońnia Śviatłana Cichanoŭskaja.
U 1996—2019 hodach Čarnobylski šlach rehularna ładziŭsia ŭ Minsku. U 2020 hodzie jon byŭ admienieny z-za kavidu, u 2021-m siłaviki nahnali ŭ centr Minska śpiectechniki i nie dali mahčymaści sabracca. U 2022 hodzie zajaŭka była padadziena, ale akcyja nie pravodziłasia.
Kamientary