Zachad schilajecca da «hibrydnaha trybunała» za rasijskuju ahresiju
U Brusieli i krainach G7 schilajucca da taho, što najbolš realistyčnaj pierśpiektyvaj pryciahnieńnia da adkaznaści vinavatych u złačynstvie ahresii suprać Ukrainy budzie «hibrydny trybunał». Pra heta paviedamlaje Deutsche Welle sa spasyłkaj na nienazvanaha čynoŭnika ES.
«Hibrydny trybunał» moh by sumiaścić nacyjanalnuju jurysdykcyju Ukrainy i praces na asnovie mižnarodnaha prava z sudździami z roznych krain.
Čynoŭnik udakładniŭ, što, pavodle acenak ekśpiertaŭ Jeŭrapiejskaha sajuza ŭ halinie mižnarodnaha prava, mižnarodny trybunał na asnovie ŭkrainskaj jurysdykcyi — heta najbolš vierahodny varyjant ažyćciaŭleńnia pravasudździa ŭ hetym vypadku.
«Trybunał budzie słužyć palityčnamu impieratyvu, jaki zaklučajecca ŭ pryciahnieńni da adkaznaści», — skazaŭ čynoŭnik. Jon taksama dadaŭ, što dla JEZS vielmi važna, kab Ukraina ratyfikavała Rymski statut, na padstavie jakoha dziejničaje Mižnarodny kryminalny sud.
Jak adznačyli ŭ Jeŭrakamisii, dla stvareńnia jak «hibrydnaha trybunała», tak i śpiecyjalnaha mižnarodnaha trybunała patrebnaja mahutnaja padtrymka AAN.
Za złačynstvy ahresii adkazvaje vyšejšaje palityčnaje i vajennaje kiraŭnictva Rasii. Ale jano maje mižnarodny imunitet, a značyć, dla takoha trybunała nieabchodna źniać imunitet, naprykład, z kiraŭnika dziaržavy-ahresara, kiraŭnika jaho ŭrada i ministra zamiežnych spraŭ.
Ciapier čytajuć
Bližejšym časam buduć vyzvaleny bolš za 150 palitźniavolenych12
Kamientary