U Maskvu na Dzień Pieramohi źbirajecca tolki adzin kiraŭnik zamiežnaj dziaržavy
Na śviatočnyja mierapryjemstvy ŭ honar Dnia Pieramohi ŭ Maskvie čakajecca vizit adzinaha zamiežnaha lidara — kiraŭnika Kyrhyzstana Sadyra Žaparava, pišuć «Viedamaści» sa spasyłkaj na dypłamatyčnuju krynicu i krynicu, blizkuju da administracyi Pucina.
Žaparava na śviatkavańnie 9 Maja zaprasiŭ u Rasiju ŭ kancy sakavika vice-premjer Alaksiej Aviarčuk, jaki kuryruje mižnarodnyja adnosiny. «My, viadoma ž, zaŭsiody pamiatajem, jaki ŭniosak zrabiŭ Kyrhyzstan ŭ hetuju pieramohu i abaronu Maskvy, heta dla nas śviaščenna», — skazaŭ Aviarčuk, anansujučy vizit.
Pres-sakratar Pucina Dźmitryj Piaskoŭ admoviŭsia havaryć, ci pryjedzie chtości jašče. Naprykład, Alaksandr Łukašenka.
U 2022 hodzie na śviatkavańnie Dnia Pieramohi ŭ Maskvu nie pryjechaŭ nivodny lidar zamiežnaj dziaržavy. U Kramli zajaŭlali, što nie zaprašali zamiežnych lidaraŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary
Moc heta " mak")))