Zvolnili z pracy amierykanskaha televiadučaha, jaki tranślavaŭ naratyvy rasijskaj prapahandy
Amierykanski kansiervatyŭny telekanał Fox News i televiadučy Takier Karłsan razarvali supracoŭnictva. Pra toje, što Karłsan sychodzić sa svajoj pasady, paviedamili na sajcie telekanała. Hety viadučy byŭ viadomy tym, što nazyvaŭ uvarvańnie Rasii va Ukrainu «pamiežnaj sprečkaj» i nie razumieŭ, čamu amierykancy pavinny pahardžać Pucinym.
Na Fox News viadučy vioŭ viečarovaje palityčnaje tok-šoŭ Tucker Carlson Tonight. Apošniaja prahrama vyjšła ŭ efir u piatnicu, 21 krasavika. «My dziakujem jamu za jaho pracu ŭ sietcy jak televiadučaha, a da hetaha jak aŭtara», — adznačyli ŭ Fox News, adnak nie paviedamili pra pryčyny spynieńnia supracoŭnictva.
Na staronkach takich vydańniaŭ, jak Los Angeles Times i The Washington Post pisali pra raspaŭsiudžańnie Karłsanam na amierykanskuju aŭdytoryju naratyvaŭ rasijskaj prapahandy.
Tak, naprykład, jon śćviardžaŭ, što NATA naŭmysna spravakavała Rasiju na vajnu, krytykavaŭ sankcyi suprać Rasii, apraŭdvaŭ Uładzimira Pucina, nazyvaŭ rasijskaje ŭvarvańnie va Ukrainu «pamiežnaj sprečkaj» i śćviardžaŭ, što prezident ZŠA Džo Bajden addaje pieravahu Ukrainie, bo jaje lidary, maŭlaŭ, dali jaho siamji miljony dalaraŭ.
Jak pracuje chłuśnia: ruskija stvaryli fejkavy kanał ukrainskich marpiechaŭ, ciapier jaho biaskonca cytuje prapahanda, u tym liku minskaja
«Mrazota, svałota, śvinota». Z-kanały pryznali, što raspaŭsiudzili fejk, u jakim nibyta ŭkrainski vajskoviec abražaje žančynu ź dziciem
Uładzimir Poźnier adčuŭ soram za žurnalistaŭ, ale naŭrad ci za rasijskich
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr10
Kamientary