Sproby rasijanaŭ nastupać na Kupiansk i Liman spynilisia — Hienštab USU
Sa zvodki ŭkrainskaha Hienštaba na ranicu aŭtorka vynikaje, što na samym paŭnočnym učastku frontu zachoŭvajecca novaja situacyja, jakaja ŭźnikła ŭ apošnija dni: rasijanie spynili sproby nastupać u kirunku Kupianska i Limana.
U zvodcy havorycca, što na kupianskim kirunku rasijskaje vojska «praciahvaje mierapryjemstvy pa fartyfikacyjnym uładkavańni pazicyj na asobnych učastkach»; nie było sprobaŭ nastupu i krychu na poŭdzień, na limanskim kirunku.
«Asnoŭnyja namahańni vorah pa-raniejšamu zasiarodžvaje na viadzieńni nastupalnych dziejańniaŭ na bachmuckim, aŭdziejeŭskim i marjinskim kirunkach», — piša ŭkrainski hienštab.
Ni ab jakim prasoŭvańni rasijan ni na adnym z troch hetych učastkaŭ hienštab nie paviedamlaje.
Nieaficyjnyja telehram-kanały z abodvuch bakoŭ u paniadziełak, jak i ŭ papiarednija dni, pisali ab nievialikim prasoŭvańni šturmavych hrup hrupoŭki «Vahnier» u roznych miescach zachodniaj častcy Bachmuta.
Ministr abarony Ukrainy pakazaŭ, jak vyhladajuć pieradadzienyja Francyjaj «kołavyja tanki»
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary