Lidar vieniesuelskaj apazicyi Huajdo pieški pierabraŭsia ŭ Kałumbiju
Abvieščany bolš za čatyry hady tamu časovym kiraŭnikom Vieniesueły lidar apazicyi Chuan Huajdo pakinuŭ krainu. «Ja tolki što prybyŭ pieššu ŭ Kałumbiju, jak heta zrabili miljony vieniesuelcaŭ da mianie», — napisaŭ Huajdo ŭ tvitary.
Ciaham apošnich niekalkich tydniaŭ Huajdo znachodziŭsia «ŭ stanie pavyšanaj hatoŭnaści», bo źjaviłasia infarmacyja pra toje, što ŭrad Vieniesueły maje namier jaho aryštavać, paviedamlaje «Sputnik»
Apazicyjanier u sacsietcy taksama zajaviŭ pra svaje płany sustrecca ź mižnarodnymi delehacyjami, jakija prybyvajuć u Kałumbiju na samit, jaki adbudziecca 25 krasavika. Pry hetym jon nie ŭdakładniaje, ci vierniecca ŭ Vieniesuełu.
U kancy śniežnia minułaha hoda vieniesuelskaja apazicyja prahałasavała za likvidacyju Časovaha ŭrada Huajdo. Lidary apazicyi rastłumačyli, što struktura Časovaha ŭrada asłabła i nie vykonvaje svaich zadač. U vyniku Huajdo pakinuŭ pasadu śpikiera nacasamblei — tak nazyvajecca apazicyjny parłamient.
Na pačatku 2019 hoda Vieniesuełu achapili masavyja pratesty — heta adbyłosia paśla pryviadzieńnia da prysiahi prezidenta Nikałasa Madury. Chuan Huajdo, kiraŭnik Nacyjanalnaj asamblei, tady abviaściŭ siabie časovym kiraŭnikom dziaržavy. U hetaj jakaści jaho pryznaŭ šerah krain Zachadu, u tym liku ZŠA.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary