U Kudymkarskim rajonie Piermskaha kraju źnieśli pomnik represavanym palakam i litoŭcam, pastaŭleny na miescy byłoha ŭročyšča Halašor. Pra heta sa spasyłkaj na piermskuju arhanizacyju «Centr histaryčnaj pamiaci» paviedamlaje «Novaja hazieta. Jeŭropa».
Prapažu pomnika miascovyja žychary vyjavili ŭ piatnicu. Kali heta adbyłosia i chto heta zrabiŭ, pakul nieviadoma, raspaviali ŭ arhanizacyi. Pomnik składaŭsia z draŭlanaj kanstrukcyi na bietonnaj asnovie. Pa jaho bakach na dvuch mietaličnych płaścinach byli napisanyja 89 imionaŭ i proźviščaŭ zahinułych u Halašory ssylnych ź Litvy i Polščy (a vierahodna, i ŭradžencaŭ Biełarusi, — NN). Jon byŭ pastaŭleny kala mohiłak z mahiłami žycharoŭ pasiołka, kudy vysyłali palakaŭ i litoŭcaŭ u 1930-ch i 40-ch hadach.
Pomnik byŭ pastaŭleny na srodki pryvatnych asob, u tym liku tych, chto pražyvaŭ u Halašory da likvidacyi śpiecpasiołka. Jon raźmiaščaŭsia ŭ lesie, na adlehłaści ad nasielenych punktaŭ.
«Dla mianie całkam vidavočna, što adzinaja pryčyna źniščeńnia pomnika — nacyjanalnaść ludziej, jakim jon pryśviečany. Polšča i Litva ciapier ličacca «niedružalubnymi krainami», a značyć, usio, što ź imi źviazana, budzie źniščacca», — skazaŭ «Novaj haziecie» staršynia Piermskaha «Miemaryjała» Robiert Łatypaŭ.
Pavodle jaho słoŭ, pomnik byŭ całkam zrobleny ź bietonu i armatury, byŭ vielmi mocnym, i kab jaho razburyć, treba było albo pravodzić vybuchovyja raboty, albo zadziejničać śpiectechniku. Pradstaŭniki miascovych uładaŭ prapažu pomnika nie kamientavali.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary
Strašnaja strana - eta "Rośsija", STRAŠNYJE i PRIESTUPLENIJA etoj "Rośsii".
Biełaruś DOŁŽNA RAZORVAŤ etot POZORNYJ "sojuz" s podobnymi Ludojedami: NIEČIEHO v etom KROVAVOM "sojuzie" Narodu Biełarusi diełať!!! Tolko NIEZAVISIMOSŤ i NIEJTRALNYJ STATUS SPASIOT BIEŁARUŚ!!!